موعد زيادة أسعار تذاكر المتحف المصري الكبير للمصريين
الخميس 27/نوفمبر/2025 - 06:30 ص
ناس كتير بتسأل عن أسعار تذاكر المتحف المصري الكبير في 2026، وهل هتكون في زيادات كبيرة في الأسعار خصوصا بعد الإقبال الغير طبيعي من المصريين علي زيارة القاعات، ولو في زيادة هتوصل لكام.
السؤال ده جاوب عليه شريف فتحي وزير السياحة والآثار واللي قال إنه مفيش اي زيادات في أسعار تذاكر المتحف المصري الكبير، وان الأسعار هتكون زي ما هيا موجودة دلوقتي، واي زيادة في أسعار التذاكر هيتم الإعلان عنها قبل تطبيقها بـ 6 شهور.
وزير السياحة والآثار قال كمان أن الزيادة الوحيدة في 2026 هتكون في تذاكر الزوار العرب واللي كان بيتعاملوا بنفس تذاكر المصرين، ومن 2026 هيتم معاملتهم بنفس تذكر الأجانب في أسعار تذاكر دخول المتاحف والمواقع الأثرية.
