78 مليون جنيه في 3 أيام.. المتحف المصري الكبير عملها
الكل اتكلم عن المتحف المصري الكبير والتكلفة الضخمة.. واحد يقول اتكلف مليار دولار، والتاني يقول اتنين مليار.. بس محدش ركز في المفاجأة اللي حصلت فعلا!
المتحف المصري الكبير، اللي اتكلف تقريبًا مليار دولار، جاله في أول 3 أيام بس من الافتتاح حوالي 54 ألف سائح أجنبي
تذكرة الواحد بحوالي 1450 جنيه، يعني أول 3 أيام دخلوا للبلد أكتر من 78 مليون جنيه من التذاكر!
ده غير المصريين لسه محدش حسبهم
بس الأهم إن كل سائح من دول بيصرف في اليوم أقل حاجة 5 أو 6 آلاف جنيه
بين أكل وإقامة ومواصلات ومشتريات، يعني السيولة اللي دخلت الاقتصاد مش قليلة خالص!
المتحف معمول بقرض ياباني ميسر، مصر هتسده على 30 سنة، لكن العائد اللي جاي من المشروع هيغطي التكلفة في أقل من سنتين!
يعني القرض ده في الحقيقة مشروع استثماري ناجح، مش عبء.
وبعد كام سنة بسيطة، المتحف هيبقى مصدر ثابت للدخل القومي، والتقديرات بتقول إنه ممكن يحقق أكتر من 25 مليار دولار أرباح من التذاكر بس على المدى الطويل.
غير كده كمان، تشغيل الفنادق والمطاعم والشركات السياحية وكل الصناعات اللي بتخدم عليه، هيزود الدخل ويوفر فرص شغل لآلاف الناس.
يعني المتحف المصري الكبير مش مجرد مبنى ضخم ولا تماثيل متجمعة،
ده مشروع اقتصادي وثقافي ضخم، وبيأكد إن السياحة في مصر مش بس تاريخ دي كمان مستقبل الاقتصاد.
