قبل ما دعمك يقف.. طريقة تحديث بطاقة التموين من الموبايل
لو عندك بطاقة تموين.. لازم تسمع الكلام ده حالا!
وزارة التموين دلوقتي بتطلب من كل أصحاب البطاقات إنهم يحدثوا البيانات من خلال منصة مصر الرقمية وخطواتها أسهل مما تتخيل!
وكل اللي هتحتاجه.. بطاقة الرقم القومي ليك ولزوجتك، إيصال كهربا، وثيقة الزواج، شهادات ميلاد الأولاد أو بطايقهم، المؤهلات وحتى بيانات العربية لو عندكم عربية!
وكمان لو فيه فرد من ذوي الهمم.. لازم رقم كارت الخدمات المتكاملة.
بس المهم البيانات لازم تكون صحيحة 100% ومطابقة للبطاقة، علشان أي خطأ.. الطلب هيترفض فورًا وممكن يحصل إجراءات قانونية
طيب ليه التحديث مهم؟
علشان يضمن إن الدعم بيروح لمستحقيه.. وكمان يفتح الباب لأسر جديدة تدخل المنظومة.
فلو لسه محدستش ادخل دلوقتي على منصة مصر الرقمية من الموبايل
سجل دخولك.
لو عندك حساب دخل الرقم القومي والباسورد.. لو معندكش حساب، اعمل حساب جديد في دقيقتين.
ومن خدمات التموين اختارتحديث بيانات بطاقة التموين.
اختار البطاقة اللي هتحدثها، هتلاقي بيانات بطاقتك اللي مربوطة برقمك القومي.
ارفع البيانات المطلوبة وراجعها كويس.. واتأكد إن كل حاجة مطابقة للبطاقة.. واضغط إرسال.. هيوصلك إشعار إن الطلب تحت المراجعة.
