بديلة التوك توك في الجيزة.. عربية صغيرة بمواصفات أعلى وسعر على قد الإيد
الأحد 23/نوفمبر/2025 - 06:00 ص
في خطوة جديدة للحد من الزحمة وأمان أكتر.. محافظة الجيزة بدأت رسميًا تطبيق منظومة العربية البديلة للتوك توك.
العربية دي شكلها صغير وشيك وتقدر تتحرك في الشوارع الضيقة بكل سهولة بس الفرق إنها مرخصة رسميًا، ومش أي حد يقدر يسوقها.
العربية بتشتغل بغاز طبيعي وبنزين يعني أوفر بكتير.
وكمان بتقطع لحد 550 كم بخزان واحد!
غير إن ليها لون مخصص في كل حي وتعريفة ثابتة وواضحة.
وبالنسبة للسعر ف المحافظة أعلنت إن العربية البديلة هيكون سعرها اقتصادي في حدود 200 ألف جنيه، وهتكون متاحة من خلال برامج تمويل وتسهيلات كبيرة علشان أصحاب التوك توك يعرفوا يطوروا شغلهم بسهولة من غير ما يشيلوا هم.
المنظومة هتبدأ في الهرم والعجوزة وأكتوبر وحدائق أكتوبر.. ومع نجاحها هتتعمم على باقي الجيزة.. خطوة حقيقية علشان نودع الفوضى ونبدأ نقل حضاري بجد.
