حدث تاريخي العالم مستنيه.. الناس هنشوف إيه في المتحف المصري الكبير؟
المتحف الأكبر في الكوكب.. في حدث تاريخي العالم كله جاي مصر مخصوص علشان يشوفه ويعيشه.. فيه آلة زمن هترجعك بالزمن 7000 سنة وهنشوف كل ملك حي قدامك طالع يحكي حكايته
فيه اكتر من 100 ألف قطعة اثار.. على مساحة نص مليون متر مكعب كل سنتين فيه حكاية تمثال ولكل تمثال قصة هتشوفها صوت وصوره.
تماثيل وآثار باللغات هتتعرض لأول مرة.. هتعيش فيه الماضي والحاضر وهتشوف المستقبل.. يا ترى إيه اللي هيحصل في المتحف المصري وليه العالم كله مستني الحدث ده أكبر حدث في القرن ال21.
المتحف المصري الكبير المكان اللي العالم كله مستنيه.. وده مش أي متحف احنا بنتكلم عن أكبر متحف أثري في العالم مخصص لحضارة واحدة الحضارة المصرية.
المكان اللي بيحكي عن 7000 سنة مجد.. بيحكي حكاية البني آدم اللي بنى وابتكر وخلد اسمه على الحجر.
من أول ما تدخل هتحس إنك ماشي جوه كتاب تاريخ مفتوح حرفيا
المدخل لوحده مساحته 7000 متر وبعدها الدرج العظيم اللي فيه تماثيل ملوك مصر من عصور كتير واقفين كإنهم بيرحبوا بزوار الزمن الجديد.
كل تمثال ليه هيبه وكل نظره فيها حكاية بتحكي عن حضاره ما بتخلصش
ندخل بقى على قلب المتحف.. وهو قاعة الملك توت عنخ آمون.
القاعة اللي فيها أكتر من 5000 قطعة من حاجات الملك الدهبي هتشوفها كلها في مكان واحد لأول مره في التاريخ..
من أول العرش الدهبي لعربياته الحربيه وحاجاته اللي كان بيستخدمها في حياته اليوميه وهو صغير لحد اغلى قناع في العالم القناع الدهبي اللي لحد دلوقتي ماحدش عارف يقدره بتمن..
كل قطعة فيها سر وكل تفصيله معموله بدقه تخلي اللي يشوفها يحس إنه رجع بالزمن.
واحد هنا احنا حرفيا مكماناش نص الحاجات اللي ممكن تشوفها.. ده ليه فيه عندك حوالي 100 ألف قطعة أثريه من كل العصور المصريه القديمه من أول ملوك الدوله القديمه لحد العصر البطلمي
ده غير انك هتلاقي تماثيل ضخمه من الجرانيت وتوابيت غريبه وأدوات كانوا بيستخدموها زمان في حياتهم وكلها معموله بعنايه تخلي الزمن نفسه يقف احترم.
والمبهر بجد أن فيه قاعات عرض دايمه ومؤقته بيغيروا فيها المعروضات كل فتره عشان كل زياره تبقى شكل..
ده غير متحف الطفل التجربه هناك مش فرجه بس لأ الاولاد الصغيرين بيتعلموا عن حضارتهم بإيديهم يجربوا ويكتشفوا ويتعلموا بطريقه حلوه.
المتحف كمان معمول بتقنيات حديثه بتخليك تشوف التاريخ بعين تانيه خالص.
العرض بيستخدم الإضاءة والصوت والتكنولوجيا عشان القطع الأثريه تحكي قصتها بنفسها من غير كلام.
هتشوف القطعة وتفهم حكايتها والمكان اللي كانت فيه وإزاي وصلت لوقتنا ده وكانك دخلت آلة زمن هتسفرك بالزمن
اللي مميز المتحف المصري الكبير مش بس حجمه لكن فكرته.
هو مش بيحكي حضارة مصر القديمه كإنها حكاية لوحدها لأ بيحطها وسط حضارات تانيه.
بيقارن بين اختراعات المصريين القدام وبين اختراعات حضارات زي اليونان وبلاد الرافدين والهند والصين
وبيورينا إن الحضاره مش بتاعة شعب واحد دي رحلة إنسانيه شارك فيها الكل بس مصر كانت أول الصفحة.
وفيه كمان مكتبات كبيره واحدة للكتب النادرة والتانيه للمرئيات وكمان مركز مؤتمرات للعروض 3D اللي تخليك تحس إنك جوه الحدث.. كله معمول عشان يقدم التاريخ بروح المستقبل.
المتحف المصري الكبير مش مجرد مكان للعرض ده تجربه إنسانيه ومشهد جديد في رحلة مصر مع العالم.
كل زاويه فيه بتحكي عن الإبداع عن الحلم عن الناس اللي سابوا وراهم أثر عمره ما هيموت.
