زيادة جديدة على أسعار السجاير
الأحد 26/أكتوبر/2025 - 03:15 ص
لو بتشرب سجاير.. خليك جاهز من دلوقتي.. لإن من أول نوفمبر الجاي، الأسعار هتعلى بشكل رسمي بعد تطبيق الزيادة الجديدة في الضريبة على السجاير.
الزيادة دي جزء من خطة الحكومة اللي هتطبق ضريبة سنوية تقريبية 12% لمدة 3 سنين، يعني كل سنة الأسعار هتتحرك لفوق شوية.
وكمان ضريبة القيمة المضافة بقت 50% من سعر البيع النهائي، ده غير المبالغ الثابتة اللي هتتضاف على كل علبة حسب سعرها .
يعني السجاير اللي أقل من 48 جنيه: هيتضاف عليها 5 جنيه.
واللي بين 48 و69 جنيه: الزيادة 7.5 جنيه.
أما اللي فوق 69 جنيه: فهتزيد 8 جنيه على العلبة كاملة.
ببساطة، كل الأسعار هتعلى من أول نوفمبر.. يعني سواء بتشتري المحلي أو المستورد.. جيبك هيحس بالفرق.
