هتوصل لـ5 جنيه.. ميعاد انخفاض أسعار الطماطم في الأسواق
الأربعاء 15/أكتوبر/2025 - 03:15 ص
الطماطم نار الأيام دي مش كده.. أكيد لاحظت إن السعر بقى غالي بشكل غريب، بس الحقيقة إن السبب مش جشع تجار ولا حاجة… السبب إن الإنتاج نفسه قل.
نقيب الفلاحين، حسين أبو صدام، قال إن العروة الحالية من أضعف العروات اللي بنزرع فيها طماطم طول السنة، المساحات المزروعة قليلة جدًا، وده خلى المعروض في السوق يقل والسعر يعلى.
بس الخبر الحلو إن ده وضع مؤقت، النقيب أكد إن الأسعار هتبدأ تهدى من أول ديسمبر الجاي، وساعتها كيلو الطماطم ممكن يوصل لـ15 جنيه، ومع زيادة الإنتاج هتنزل كمان أكتر لحد ما توصل في بعض المناطق لـ5 جنيه للكيلو.
يعني ببساطة… متخافش من الغلا، ده موسم وهيعدي، والطماطم راجعة لسعرها الطبيعي قريب جدًا.
