كهرباء مصر هتوصل لسوريا ولبنان والسعودية.. شوف خطة مصر للسيطرة علي سوق الطاقة في آسيا
مصر هتتحول لواحدة من أكبر الدولة في العالم في صادرات الكهرباء نسبة كبيرة من صادرتنا هتكون لقارة آسيا.. ياتري ايو حكاية صادرات الكهرباء الي قارة آسيا.. وأية هيا مستهدفات الدولة من الصادرات دي .. واشمعني قارة آسيا بالذات اللي الحكومة مركزة عليها.
العالم كله حاليا بيمر بتحدي صعب ومهم في نفس الوقت، وهو التحول من الاعتماد علي المصادر التقليدية في توليد الطاقة من مصادر الطاقة الحالية واللي هيا محطات توليد الكهرباء واللي بتعتمد علي المواد البترولية في التشغيل الي الاعتماد علي مصادر الطاقة الجديدة والمتجددة واللي هيا بتعتمد علي توليد الكهرباء من طاقتي الشمس والرياح.
مصر واحدة من الدول اللي بدأت بدري جدا تنتبه للتحول العالمي الي الاعتماد علي مصادر الطاقة المتجددة، والدولة خطت استراتيجية للوصول بإنتاج الطاقة المتجددة علي الشبكة الموحدة للكهرباء الي 42% في 2030 ومستهدف وصولها الي 65% في 2040، وده معانا أننا في 2040 هتكون أكثر من نصف الطاقة المستهلكة مصادره الرئيسية هيا الشمس والهواء.
الزيادات الكبيرة في إنتاج التيار الكهربائي من مصادر الطاقة الجديدة والمتجددة هتكون جزء مهم من هدف الدولة لتحويل مصر الي مركز إقليمي لتبادل الطاقة وتصدير الكهرباء لكل قارات العالم، وده كمان الدولة بدأت تأسس له من بدري جدا، وفي الوقت الحالي بقي عندها خطوط ربط كهربائي في آسيا وأفريقيا وأوروبا.
خطوط الربط الكهربائي اللي بقت موجودة في قارة أفريقيا وتحديداً في ليبيا والسودان هتكون طريق لمصر لتصدير الكهرباء لكل دول القارة، أما عن صادرات الكهرباء لدول قارة آسيا فده هيكون عن طريق خط الكهرباء اللي هيبدا تشغيله قبل نهاية 2025 مع السعودية واللي بيعد واحد من أكبر واهم خطوط الربط الكهربائي في العام وهيكون بقدرة 3000 ميجاوات .
مشروع الربط الكهربائي المصري السعودي الدولة وصفته أنه هيكون بداية لشبكة كبيرة من مشروع الربط الكهربائي مع كل دول قارة آسيا خصوصا أن أغلب الدول هناك عندها مشاكل في توفير التغذية بسبب الارتفاعات الكبيرة اللي بتعاني منها دول القارة وتحديدا دول مجلس التعاون الخليجي واللي بتحتاج تغذية كهربائية كبيرة للتخفيف من درجات الحرارة واول الدول اللي هيوصل لها مشروع الربط الكهربائي المصري هتكون سوريا ولبنان.
