4 مصادر رئيسية.. إزاي مصر هتعوض مليارات صندوق النقد الدولي
خلاص مصر حطت الخطة أنها تعتمد على نفسنا وعلي إنتاجنا المحلي .. ياتري اية اللي مصر بتفكر فيه بعد صندوق النقد الدولي.. وآية المجالات اللي مصر هتعتمد عليها كمصادر دخل دولاري بعد العلاقة مع صندوق النقد الدولي تنتهي.
خلاص وبشكل رسمي حسمت علاقاتها مع صندوق النقد الدولي ومش هيكون في تعاون تاني بين الحكومة والصندوق بعد 2026،. هيكون قرض ال 8 مليار دولار واللي مصر صرفت منه 4 شرائح حتي الآن هو آخر تعامل بينا، ومن هنا ورايح هيكون في تعامل جديد ومصادر جديد الدولة هتعتمد عليها كمصادر رئيسية للدخل الدولاري من الخارج.
طيب اية المصادر اللي مصر هتعتمد عليها كمصدر للدولار بعد صندوق النقد الدولي ؟.
في أكثر من مصدر هيكون مصادر دخل أساسية للدولة بعد نهاية العلاقة مع صندوق النقد الدولي أولي المصادر دي هيا صفقات الاستثمار السياحي زي اللي حصل في رأس الحكمة مراسي البحر الاحمر واللي دخولوا لمصر إيرادات دولارية مباشرة وصلت لأكثر من 50 مليار دولار منهم 35 مليار دولار كايرادات داخلت لمصر من صفقة راس الحكمة و 20 مليار دولار دخلت من صفقة الاستثمار السياحي في مراسي البحر الاحمر.
الصفتين دول واللي بيعدوا من اقوي الصفقات اللي الدولة وقعتها من القطاع الخاص والحكومة ناوية تكررهم في أكثر من 4 أو 5 مناطق هيكونوا مطروحين للاستثمار زي اللي حصل في رأس الحكمة ومراسي البحر الاحمر.
تاني باب دولاري لمصر من الخارج هيكون له أهمية كبيرة الفترة اللي جاية هيا تحويلات المصريين العاملين بالخارج، واللي إيراداتهم حققت ارقام قياسية خلال الفترة اللي فاتت وكانت هيا السند الحقيقي في الأزمة المالية اللي مصر تعرضت لها في 2023 وهما اللي سندوا الاقتصاد المصري من أنه يقع.
ثالث باب دولاري مصر هتعمد عليه وبشكل كبير جدا هيا الصادرات المصرية خصوصا أن مصر عندها هدف للتحول الي مركز إقليمي للتبادل التجاري، وخطة لزيادة الصادرات المصرية لتحقيق 140 مليار دولار كايرادات من القطاع في 2030، وده طبعا هيكون له مردود كويس في زيادة الاعتماد علي المنتج المحلي وبالتالي الفاتورة الاستيرادية هتقل جدا وبكده مصر هتوفر نسبة كبيرة من الدولار وكمان هنزود صادرتنا الي رقم قياسي.
رابع باب مصر هتعتمد عليه هو قطاع السياحة واللي الدولة بتستهدف منه الوصول لتحقيق 30 مليون سائح وتحقيق 30 مليار دولار كايرادات من القطاع في 2030، خصوصا أن قطاع السياحة بيعد من القطاعات الواعدة جدا واللي سريعة التطور وايراداتها بتسمع بسرعة جدا في الناتج القومي ومش محتاجه مجهودات ولا مصروفات كتيرة علشان الدولة توصل للجمهور المستهدف من السائحين حوالين العالم.
