مصر تستورد تجربة "النمور الآسيوية".. هل تعيد "السردية الوطنية" إحياء الاقتصاد المصري؟
مصر أطلقت واحدة من أهم العلامات الاقتصادية الفارقة في تاريخ مصر وهيا السردية الاقتصادية.. ياتري اية حكاية السردية دي وآية فائدتها للاقتصاد المصري وآية المجالات اللي هتشغل عليها.
من كام ساعة الحكومة أطلقت حاجة مختلفة تماما وهيا السردية الوطنية للتنمية الاقتصادية، واللي قائمة علي اهداف محددة وبتقوم بشكل كامل علي القطاع الخاص واللي تحول الي المحرك الأساسي للتنمية الاقتصادية وفي أكثر من هدف اساسي منها أولهم واهمهم هيا النزول بمعدلات الدين إلى أقل رقم هتشهده مصر علي مدار تاريخها.
طيب اية حكاية السردية الوطنية للتنمية الاقتصادية وآية الهدف منها ؟.
الدكتور مصطفي مدبولي رئيس الوزراء، أتكلم بشكل كبير جدا علي السردية الوطنية وقال إنها بتجاوب على تساؤلات كثيرة جداً طلعت خلال الفترة اللي فاتت، والتحديات الموجودة اللي موجود قدام الدولة المصرية، والتصور اللي هتطبقه الحكومة بعد انتهاء برنامج صندوق النقد الدولي، خصوصا أن العالم كله حاليا بيمر بتحديات محصلتش علي مدار أكثر من 100 سنة فاتوا وتحديد من وقت الحرب العالمية الثانية، ده غير أن في حالة عدم وضوح وضبابية شديدة واعباء اقتصادية كبيرة خصوصا علي الدول الناشئة واللي عندها معدلات تضخم كبيرة وارتفاع معدلات كبيرة في الدين العام .
السردية الوطنية للتنمية الاقتصادية بتتضمن رؤية جديدة للدولة المصرية، وده اللي شغاله عليه الدولة من فترة طويلة خصوصا في مجالات إعادة بناء قطاعات البنية الأساسية واللوجيستية اللي مكنت من التركيز في القطاعات الإنتاجية بصورة أكبر، خصوصا في مجالات إنشاء المصانع، وجذب الاستثمارات.
الشغل اللي قامت بيها الحكومة كان السبب الأساسي في الوضع اللي وصل له الاقتصاد المصري حاليا، ولولا الجهود اللي قامت بيها الحكومة في تطوير البنية التحتية مكنش فيه مستثمر أجنبي هيزل عندنا ويضخ استثمارات ويعمل مصانع ويستثمر في منشآت وقطاعات وخدمات زي السياحة بدون ما يكون في بنية أساسية من طرق وطاقة ومياه وغاز وصرف صحي، وكل ده خلي مصر مؤهلة علشان يكون عندها فرصة كبيرة جداً لتحقيق طفرة في عملية التنمية والنمو .
الجهود الكبيرة اللي قامت بيها الحكومة كانت هيا السبب في النتائج اللي حققتها مصر في واحدة من أهم المناطق الصناعية والاستثمارية في مصر وهيا المنطقة الاقتصادية لقناة السويس واللي بتشهد زحمة وإقبال كبير من المستثمرين الأجانب، وعلشان الدولة تستوعب الإقبال الكبير ده من الاستثمار قامت بتوسيع حجم الأرصفة والموانئ، وربطت المنطقة الاقتصادية لقناة السويس بشبكات من الطرق المتطورة والبنية الأساسية والسكة الحديد
السردية الوطنية للتنمية الاقتصادية هيا عبارة عن تجارب للدول الكبيرة اللي نجحت في تنفيذها على مدار السنين اللي فاتت، واللي قامت بشكل كامل علي الإصلاحات الهيكلية المؤسسية والانتقال بالقطاعات القابلة للتداول زي الصناعة والسياحة والاتصالات وتكنولوجيا المعلومات .
الإصلاحات الهيكلية اللي قامت بيها الدولة مكنت مصر من تحقيق تحسن في عدد كبير من المؤشرات الاقتصادية، وارتفع معدل النمو الاقتصادي لـ 4.2% خلال أول 9 اشهر من 2025 .
