انفراجة كبرى في أزمة الدولار.. البنك المركزي يعلن الخبر المنتظر
يا ترى ايه معنى ارتفاع الاحتياطي النقدي للبنك المركزي واقترابه من الـ 50 مليار دولار؟ وايه تاثير ده على سعر صرف الدولار وتوفر العملة الأجنبية؟ وازاى الاجتاطي تطور بالشكل ده في آخر كام شهر ؟
من ساعات البنك المركزي أعلن خبر مهم جداً.. خبر بيدينا مؤشر قوي إننا ماشيين في الطريق الصح.. الخبر بيقول إن صافي الاحتياطيات الدولية في مصر ارتفع بشكل تاريخي.. ووصل لـحوالي 49 مليون و 250 ألف دولار في نهاية أغسطس 2025.. وده رقم ضخم جداً.. لدرجة إنه بيقرب من حاجز الـ 50 مليار دولار
طب إيه معنى الرقم ده؟
الاحتياطي النقدي الأجنبي.. ببساطة.. هو الفلوس والدولارات اللي في خزينة الدولة.. زي مدخراتك كده.. لما تكون مدخراتك بتزيد.. بتحس بأمان مالي.. الدولة كمان بتحس بنفس الإحساس.. لما احتياطيها بيزيد.. ده معناه إن عندها قدرة أكبر على إنها تستورد سلع أساسية.. وتسدد ديونها الخارجية.. وتدعم العملة المحلية
وخلينا نبص على الأرقام خلال الشهور اللي فاتت.. عشان نعرف قد إيه النمو ده سريع ومستمر
في نهاية يوليو 2025.. الاحتياطي كان 49.036 مليار دولار
في يونيو اللي فات.. كان 48.7 مليار دولار
وقبلها في مارس.. كان 47.757.1 مليون دولار
وفي فبراير.. كان 47.394 مليار دولار
أما في يناير.. كان 47.265 مليار دولار
الزيادة دي في كل شهر.. بتدينا إشارة واضحة إن فيه مصادر دخل دولاري قوية بدأت تشتغل.. وإنه مش مجرد تحسن لحظي
وإيه علاقة ده بأزمة الدولار؟
لما الاحتياطي النقدي بيزيد.. ده بيزود ثقة المستثمرين الأجانب في الاقتصاد المصري.. لإنهم بيشوفوا إن فيه قدرة على سداد الديون.. وعلى استقرار سعر الصرف.. وده بيشجعهم إنهم يجيبوا استثمارات جديدة لمصر.. وده بيوفر دولارات أكتر في السوق
كمان.. زيادة الاحتياطي بتساعد البنك المركزي إنه يتدخل في السوق لو لزم الأمر.. عشان يتحكم في سعر الدولار.. وده بيقضي على المضاربات في السوق السوداء.. وبيخلي سعر الدولار مستقر.. لإن كل ما الدولار يكون متوفر.. كل ما سعره بيقل.
طب يا ترى الفلوس دي بتيجي منين؟
احتياطي النقد في مصر بيتكون من كذا حاجة.. أولها الدهب اللي بتملكه الدولة.. وبعدين عوائد قناة السويس اللي تعتبر مصدر دخل دولاري مهم.. وكمان حصيلة الصادرات المصرية اللي بتجيب عملة صعبة.. وأخيراً.. تحويلات المصريين العاملين بالخارج اللي ليها دور كبير جداً في دعم الاقتصاد.
اللي لازم تكون عارفه ان ارتفاع الاحتياطي النقدي لأقرب رقم من 50 مليار دولار.. يعتبر إنجاز كبير.. لإن ده بيعكس إن الاقتصاد المصري بدأ يقف على رجليه من تاني.. وإن أزمة الدولار اللي عانينا منها كتير.. بدأت تدخل مرحلة الحل النهائي
