من جيوب المواطنين.. زيادة أسعار رحلات أوبر للمرة الثالثة في 2025
الإثنين 01/سبتمبر/2025 - 03:16 ص
شركة أوبر مصر أعلنت عن رفع تعريفة الرحلات في القاهرة والإسكندرية بنسبة توصل لـ ١٠%.
الزيادة دي تعتبر التالتة من بداية ٢٠٢٥، بعد ما سبق ورفعت الأسعار مرتين في مارس ويوليو.
أوبر بتقول إنها بترفع الأسعار علشان الكباتن يحققوا دخل أعلى، خصوصًا في أوقات الذروة والرحلات الطويلة.
الزيادة طبعُا أثارت موجة انتقادات وغضب من ناس كتير، خصوصًا إن أسعار البنزين مستقرة، والتضخم في مصر بيتراجع بشكل واضح.
يعني في أقل من ٩ شهور٣ زيادات ورا بعض.. والنتيجة؟ الرحلات بقت أغلى.. والركاب مضطرين يدفعوا أكتر من غير أي مبرر اقتصادي قوي أو تحسين في الخدمات.
مستخدمين كتير بيقولوا إن أوبر مبقتش زي زمان، وسعرها بقى عبء على أصحاب المرتبات المحدودة، وفي ناس بقت بتاخدها عن الضرورة بس.. بعد ما تحولت لرفاهية مش وسيلة مواصلات يومية.
