في 2027.. الحكومة بتعمل إيه لتحقيق الاكتفاء الذاتي من الغاز الطبيعي
الغاز الطبيعي بقي وقود العصر، وفي الوقت الحالي كل حياتنا بقت بتعتمد عليه كوقود أمن وفعال ومستدام لاستمرار الحياة اليومية.. ياتري امتي الحكومة هتقدر تحقق اكتفاء ذاتي من الغاز الطبيعي.. واية هيا الخطوات اللي بتاخذها الحكومة علشان توصل للهدف ده.
الوقت الحالي استخدامات الغاز الطبيعي ارتفع جدا واصبح بيدخل في مختلف الصناعات ومحطات توليد الكهرباء والحياة اليومية لتشغيل السيارات وغيرها من الخدمات اليومية، وده ادي الي ارتفاع الطلب علي تركيبه وتشغيله، وللاسف ده تزامن من نقص انتاجه بسبب تقادم الأبار وأهمال عمليات تطويرها وتقصير عمليات التنقيب والبحث عن الأبار الجديدة.
طيب اية اللي بتعمله الحكومة علشان تزود انتاجها من الغاز الطبيعي ؟.
من كام ساعة كان في مؤتمر صحفي مهم جدا لرئيس مجلس الوزراء مصطفي مدبولي واللي اتكلم فيه عن اخر الاخبار الخاصة بالاقتصاد المصري وجهود الحكومة لكبح ارتفاع التضخم وانخفاض الاسعار، واحدة من الحاجات المهمة اللي اتكلم عنها رئيس مجلس الوزراء هيا خطة الحكومة لزيادة انتاج الغاز الطبيعي والوصول لتحقيق الاكتفاء الذاتي.
حاليا انتاج مصر من الغاز الطبيعي بيوصل لـ4.1 مليار قدم مكعب يوميا، والدكتور مصطفي مدبولي رئيس مجلس الوزراء أكد أن الحكومة بتتوقع زيادته لـ 6.6 مليار قدم مكعبة يوميا في 2027.
لازم نكون عارفين أن انتاج مصر حاليا بيشهد موجة كبيرة من التراجع وتحديدا من بداية 20222، بسبب التقادم اللي حصل في أبار الغاز الطبيعي ده غير قرارات عدد كبير من شركات التنقيب والاستكشاف الاجنبية للسوق المصري بسبب تأخر مستحقاتها عن الحكومة، وكانت نتيجة ده ان الحكومة فتحت باب الاستيراد وبشكل كبير من الخارج لتعويض النقص اللي موجود في الإنتاج المحلي.
في الوقت الحالي أنتاج مصر من الغاز الطبيعي بدأ ياخذ مؤشر الصعود بعد ما انخفض إنتاجنا من أكثر من 6.6 مليار قدم مكعبة يوميا إلى 4.1 مليار على مدار السنتين أو الثلاث اللي فاتوا، ولكن حاليا الانتاج بدا في الصعود بفضل الاكتشافات البترولية الجديدة اللي بتقوم بيها شركات التنقيب والكشف عن أبار البترول في مصر .
رئيس مجلس الوزراء قال أن الحكومة عندها خطة للعودة لتحقيق الاكتفاء الذاتي في 2027، والخطط الموجودة حاليا بتشمل عودة المستثمرين والشركاء الأجانب لضخ الاستثمارات، نتيجة الانتظام في سداد الفاتورة الشهرية وتقليص المستحقات المتراكمة في الفترة الماضية، وحاليا بقي عندنا خطط تنفيذية واضحة لعودة مستوى الإنتاج نفسه خلال السنتين اللي جايين ، خصوصا أن مصر سددت مليار دولار لشركات النفط الأجنبية، وهندفع 1.4 مليار دولار تانية قبل نهاية العام الحالي.
