مفاجأة من الحكومة عن موعد إقرار الزيادات الجديدة في أسعار شرائح الكهرباء
خلاص اللي كنا خايفين منه حصل والدولة أقرت الزيادات الجديدة في أسعار شرائح الكهرباء.. ياتري الزيادات الجديدة هتوصل لكام .. وأمتي الحكومة هتبدا تحصلها.. وهل خلاص الحكومة هترفع الدعم بشكل كامل عن الكهرباء.
أكثر من شهر حاليا فات علي انتهاء همة تسعير شرائح الكهرباء القديمة واللي كانت الدولة شغالة بيها من أغسطس 2024 ودي كانت اخر زيارة أقرتها الدولة في أسعار شرائح الكهرباء، ومن بعدها محصلش اي زيادات جديدة في أسعار الشرائح، بس لازم الناس تعرف أن الزيادات اللي حصلت في أسعار شرائح الكهرباء وقتها كانت بتنص علي خطة التسعير هتكون لمدة سنة واحدة بس وهتنتهي مع نهاية السنة المالية واللي بتنتهي مع نهاية شهر يوليو من كل سنة، يعني حاليا خطة تسعير شرائح الكهرباء القديمة انتهت من أكثر من شهر دلوقتي.
طيب اية اللي بتعمله الحكومة في موضوع شرائح الكهرباء وهل فعلا الحكومة هترفع أسعار شرائح الكهرباء بشكل كبير ؟.
بعد ما خطة تسعير شرائح الكهرباء القديمة انتهت، خلاص الحكومة ممثلة في وزارة الكهرباء والطاقة المتجددة وجهت جهاز تنظيم مرفق الكهرباء وحماية المستهلك واللي هو مسئول عن وضع خطط تسعير شرائح الكهرباء في مصر بمناقشة خطة التسعير الجديدة للشرائح، وفعلا الجهاز عمل اجتماعاته واقر الزيادات الجديدة اللي هتحصل في أسعار شرائح الكهرباء، وفعلا الي وزارة الكهرباء والطاقة المتجددة واللي ناقشها ورفعتها الي مجلس الوزراء خصوصا أن هو الجهة والأخيرة اللي بقر اي زيادات جديدة في أسعار الخدمات اللي بتقدمها الحكومة للمواطنين.
الخطة اللي رفعهها وزارة الكهرباء والطاقة المتجددة فيها سيناريوهين الأول منهم زيادة أسعار الكهرباء من شهر أغسطس الحالي وبدء تحصيله مع فاتورة شهر سبتمبر اللي جاي وده الأقرب الي التطبيق حتي الآن وده بسبب ان وزارة الكهرباء والطاقة المتجددة بتدفع فاتورة كبيرة جدا لوزارة البترول والثروة المعدنية بتاع الوقود اللي بتاخذه لتشغيل محطات توليد الكهرباء واللي هما الغاز الطبيعي والمازوت والسولار واللي المولدات عندنا في مصر بشتغل بيهم علشان تدور وتولد الكهرباء المطلوبة للتشغيل، والفاتورة بتعدي أكثر من 125 مليون جنية شهريا، وده رقم كبير جدا صعب علي الدولة أنها تتحمله خصوصا في الوقت الحالي واللي الاحمال الكهربائية فيه مرتفعة جدا وبتوصل لارقام قياسية ميحصلش في التاريخ بسبب الموجات الحارة الكبيرة اللي بتضرب محافظات الجمهورية.
السيناريو الثاني واللي وزارة الكهرباء والطاقة المتجددة رفعته الي مجلس الوزراء وده بعيد شوية عن التطبيق وده بينص علي بدء تحصيل الزيادات الجديدة في أسعار شرائح الكهرباء اعتبارا من بداية يناير اللي جاي وتحديدا لما الحكومة تنتهي من الانتخابات البرلمانية لمجلس النواب واللي هتكون في شهر نوفمبر اللي جاي، ولكن ده سيناريو صعب جدا تطبيقه بسبب الفاتورة الكبيرة اللي بتدفعها وزارة الكهرباء لوزارة البترول بتاع المواد البترولية اللي بتحتاجها لتشغيل محطات توليد الكهرباء وده غير ارتفاع تكاليف الصيانه ومهمات الكهرباء.
