لو معاك كريدت كارد وعايز تستخدمها بره مصر.. شوف القواعد الجديدة من البنك المركزي
يا ترى لو معاك كريدت كارد وعايز تستخدمها بره مصر إيه هي قالت القواعد الجديدة اللي أعلنها البنك المركزي، هل الإجراءات بقت أسهل ولا لسه في صعوبات؟
في الفترة الأخيرة، البنك المركزي المصري أعلن عن تعديل مهم على القواعد اللى بتنظم استخدام البطاقات الائتمانية خارج البلاد، والقرار ده بيستهدف التسهيل على المسافرين وفى نفس الوقت بستهدف انه يحافظ على الرقابة عشان يمنع أى استغلال غلط.
عشات كده، البنك المركزي بعت تعليمات للبنوك وقال فيها إنه ألغى البند رقم 2 من الكتاب الدوري الصادر في 29 أكتوبر 2023 والمعدل في 11 فبراير 2024، واللى كان بيجبر العميل انه يقدم مستندات تثبت إنه استخدم الكارت وهو بره، زي ختم دخول أو خروج أو أوراق بتأكد إنه لسه مسافر، وده خلال 90 يوم من فتح حدود الاستخدام.
ومع التعديل الجديد، فالمسافر مش ملزم انه يقدم المستندات دي، لكن لسه البنوك من حقها تتابع معاملاته وتتأكد إنها كلها بره مصر، ولو لقت أى استخدام مخالف فتضظر انها تطبق الإجراءات والعقوبات اللي محددها البنك المركزي.
والبنك المركزي قال إن الهدف من الخطوة دي هو تخفيف الأعباء على العملاء خاصة الطلبة أو الناس اللي بتسافر لفترات طويلة، وفي نفس الوقت عشان يحافظ على استقرار سوق الصرف ويمنع تهريب العملة.
كمان، القرار ده هيسهل عمليات الدفع في الخارج سواء في الفنادق أو المطاعم أو المولات، وهيشيل عنك حتة القلق من إنك لازم تكمل ورق وإثباتات بعد ما ترجع.
عشان كده ناس كتير شايفة إن دي خطوة مهمة وضرورية وبتيجي ضمن خطة أكبر لتطوير الخدمات البنكية وتوسيع الدفع الإلكتروني عشان تسهر الحياة على الناس وتخلي التعامل بالكروت أنسب من الكاش.
وفي النهاية نقدر نقول ان التعديل ده بيعتبر توازن ذكي بين التسهيل على المسافرين وحماية الاقتصاد، وده بيوضح إن البنك المركزي بيتابع السوق أول بأول ويتصرف حسب الظروف.
