من الدعم النقدي للسكن والتأمين.. خطة الدولة لرعاية المواطن من أول المرتب لحد العلاج
طفرة كبيرة حققتها الدولة المصرية في رواتب الموظفين ده غير الاهتمام بالفئات محدودة الدخل والمتوسطة.. ياتري اية اللي عملته الحكومة علشان تحسن وراتب الموظفين .. وازاي الدولة بتهتم بالفئات محدودة الدخل.
اللي علمته الدولة في ملف زيادة أجور العاملين بالقطاع العام والعاملين في الجهاز الإداري للدولة المصرية عمر ما كان حد يتخليه خصوصا أن رواتب العاملين ارتفعت من 1200 جنيها كأحد أقصي للأجور الي 7000 جنية حاليا كحد ادني للأجور، وعلي الرغم من التكلفة الكبيرة والأعباء المالية اللي بقت موجودة علي الدولة بسبب التحديات والتوترات الإقتصادية إلا أن الحكومة بتكون حريصة مع كل تحدي جديد علي زيادة الرواتب ورعاية الفئات الأولي بالرعاية.
طيب إزاي الحكومة بتهتم بزيادة رواتب الموظفين وبتأمن الفئات الاولي بالرعاية ؟.
زي ما احنا عارفين ان التغييرات المتتالية في سعر الصرف والتحديات الاقتصادية العالمية فرضت علي مصر أوضاع اقتصادية صعبة جدا ولكن مع كل التحديات دي الحكومة حريصة جدا علي تحسين أوضاع المواطنين، والزيادات اللي بتحصل مش بس بتكون علي العاملين والموظفين في الحكومة والجهاز الإداري في الدولة لا ده كمان بيكون علي القطاع الخاص خصوصا أن الحكومة بتلزم الشركات والجهات العاملة في مصر بزيادة الرواتب علشان تكون متتطابقة مع الرواتب اللي موجودة في الجهاز الإداري في الدولة، ده غير أن مع كل توجيه رئاسي لزيادة الرواتب بيكون معاه زيادة للاعانات اللي بتقدمها الدولة للفئات محدودة الدخل كواحدة من السياسات والإجراءات الهادفة لتعزيز شبكات الحماية الاجتماعية.
سياسة الحكومة لزيادة رواتب العاملين اعتمدت في الأساس علي إجراء تقييم شامل لهيكل الرواتب علشان يكون فيه تناسب بين الأجور وتكاليف المعيشة وركزت على رفع الحد الأدنى للأجور في القطاع الحكومي، ومنع علاوات دورية واستثنائية للموظفين بهدف تحسين القوة الشرائي، وتقليل الآثار الناتجة عن التضخم وربط الأجور بالإنتاجية لتحفيز الموظفين على رفع كفاءتهم وزيادة الإنتاج، ده غير المزايا غير مالية اللي الحكومة بتقدمها للموظفين وبتلزم بيها كل شركات القطاع الخاص واللي بتشمل التأمين الصحي ودعم المواصلات وتوفير وحدات سكنية مدعومة.
أما فيما يتعلق بدعم الفئات الاولي بالرعاية فالحكومة استهدفت توسيع برامج الدعم النقدي زي تكافل وكرامة علشان تضم شرائح أكبر من المستفيدين وكمان رفعت قيمة المساعدات المقدمة شهريا للمدرجين بالبرامج، ده غير جهود استمرار دعم السلع الأساسية من خلال البطاقات التموينية، وضمان وصول المواد الغذائية بأسعار مدعومة للفئات المستحقة، د غير جهود إطلاق منظومة التأمين الصحي الشامل بشكل تدريجي لتأمين الرعاية الصحية للمواطنين غير القادرين على تحمل تكاليف العلاج.
جهود الحكومة لدعم الفئات الاولي بالرعاية تضمنت كمان إتاحة برامج للتمكين الاقتصادي واللي من خلالها الحكومة بتقدم قروض ميسرة ومشروعات صغيرة لتمكين الأسر محدودة الدخل من تحقيق دخل مستدام.
