مفاجأة من الحكومة للمواطنين بخصوص أسعار السلع
الحكومة في الوقت الحالي بتجهز لمفاجأة مهمة هتغير حياة المصريين.. ياتري اية المفاجأة اللي بتجهزها الحكومة للمواطنين.. وآية سر أهميتها للشعب المصرى.. هل هيكون لها تأثير علي الاقتصاد المصري.
الحكومة في الوقت الحالي حاسة أن المواطن المصري تحمل ما لم يتحمله بشر من تحديدات وتوترات جيوسياسية واقتصادية صعبة وتغيرات متتالية لأسعار صرف الجنية المصري مقابل الدولار، وحروب وصراعات حاجات تانية كبيرة للاسف كلها أثرت علي الاقتصاد المصري ومصادر الدخل الدولاري لمصر من الخارج .
اللي حصل خلال السنين اللي فاتت والأوضاع الاقتصادية الصعبة اللي مرت علي مصر باعتبارها دولة نامية واقتصادها زيها زي دول تانية كتيرة عانت ولسه بتعاني من التوترات الاقتصادية وتباعتها علي الاقتصاد المصري، واللي حملت أعباء وارتفاعات كبيرة في اسعار السلع والخدمات اللي بتقدمها الحكومة للمواطنين والاسعار العادية لكل السلع والمواد .
طيب اية هيا المفاجأة اللي بتجهزها الحكومة للمواطنين ؟.
من كام سعر في كان مؤتمر صحفي بحضور الدكتور مصطفى مدبولي رئيس الوزراء واللي أكد أن المواطن المصري تحمل تداعيات كبيرة وظروف اقتصادية صعب، وان الوقت حان للمواطن المصري علشان يحس بقيمة التعب اللي تعبه علي مدار السنين اللي فاتت.
رئيس مجلس الوزراء قال في المؤتمر الصحفي أن المواطن المصري تحمل بناية تأسيس الجمهورية الجديدة والظروف الصعبة اللي تبعتها بسبب الظروف الاستثنائية اللي بيمر بيها العالم كله زي الحرب الروسية الأوكرانية وأزمة انتشار جائحة فيروس كورونا اخيرا الصراع العربي الإسرائيلي.
رئيس الوزراء زف بشري مهمة جدا للمواطنين وقال إن الوقت حان علشان المواطن يشعر بقيمة التعب. العناء اللي واجه خلال السنين اللي فاتت،. والبداية هتكون من أسعار السلع الغذائية واللي اسعارها هتنزل بدرجة كبيرة جدا في الفترة اللي جاية خصوصا مع الانخفاضات الحالية في أسعار صرف الدولار الأمريكي مقابل الجنية المصري.
الأسباب اللي سردها رئيس مجلس الوزراء لتحسن وهبوط أسعار السلع الغذائية بتعتمد حاليا علي الانخفاض اللي حصل في سعر الدولار الأمريكي قدام الجنية المصري، خصوصا أن الجنية مؤخرا بدا يشهد تحسنات وبالتالي هيكون حافز قوي لعمليات الاستيراد وانخفاض الأسعار.
لازم كلنا نكون عارفين ان تسعير اي سلعة أو اي حاجة مرتبط بتغييرات سعر الصرف العملات الأجنبية في البنوك وخصوصا الدولار بمعني لو اسعار الصرف زادت فاسعار السلع مرشحة للزيادة والعكس صحيح ولكن دي محتاجة رقابة كبيرة جدا من الحكومة ممثلة في وزارة التموين والتجارة الداخلية علشان تراقب الأسعار كويس جدا ويكون في هبوط حقيقي في الأسعار خصوصا أن في بلدنا الحاجة اللي سعرها بيطلع بيكون صعب جدا انها تنزل تاني.
