لو هتقدم في الإسكان الأخضر شوف سعر الشقة والاقساط ربع السنوية هتوصل لكام
وزارة الإسكان مجهزة مفاجاة للمواطنين بشقق الاسكان الاجتماعي ونزلت لاول مرة شقق الإسكان الاخضر.. ياتري اية حكاية الشقق دي واية تفاصيلها حجزها.. واسعار والاقساط بتاعتها هتوصل لكام.
الدولة حجزت مفاجاة لكل المواطنين خصوصا الناس اللي كانت مقدمة في طرح شقق سكن لكل المصريين 5 والمفاجاة دي هيا طرح شقق الاسكان الاخضر لأول مرة في شقق الاسكان الاجتماعي، ودي وحدات سكنية مدعومة من الدولة وبتتسم بالاستدامة والتصميم الذكي.
طيب اية هيا خطوات حجز شقق الاسكان الاخضر لسكن لكل المصريين 7؟.
صندوق الإسكان الاجتماعي ودعم التمويل العقاري فتح باب التقديم لحجز شقق الإسكان الأخضر 2025 بإجمالي 54.792 وحدة سكنية خلال الفترة من 15 يوليو الجاري ولحد 14 أغسطس الحالي لمدة شهر كامل، والشقق دي هتكون موجودة في مدن أسوان الجديدة وطيبة الجديدة وأكتوبر الجديدة وحدائق أكتوبر والعاشر من رمضان والعبور الجديدة وبدر والسادات والمنيا الجديد.
وزارة الإسكان حطت أكثر من شرط لقبول طلبات المواطنين والفوز بقرعة سكن لكل المصريين 7 في شقق الإسكان الأخضر، وهيا أن المصري يكون المتقدم مصري الجنسية، وسنه ميقلش عن 21 سنة وميزدش على 50 سنة، ومش من حق الأسرة سواء الزوج أو الزوجة أو الأبناء القصر التقدم لحجز أكثر من وحدة، وكمان ميكونش سبق له التقدم للمواطن لنفسه او حد من أفراد أسرته الاستفادة من مشروع إسكان مدعوم من الدولة، وأنه يكون من محدودي الدخل، ودخله الشهري ميزدتش عن الحد الأقصى المُعلن في كراسة الشروط.
الوزارة اشترطت كمان علي الناس اللي عايزة تقدم لحجز شقق الإسكان الاجتماعي الاخضر دفع مقدم جدية الحجز واللي بيوصل لـ 50 ألف جنيه، وهيوصل مقدم التعاقد الأساسي لـ 10% من سعر الوحدة، ودفع مصاريف التسجيل واللي بتوصل لـ 150 جنيه، وهيوصل سعر الشقة لـ900 الف جنية بخلاف 45 الف جنية قيمة وديعة الصيانة.
أما بقي الناس اللي بتسال علي الاقساط السنوية واللي هيدفعوها فالدولة حددتها، ففي السنة الأولي العميل هيدفع 4 أقساط بمعدل قسط كل 3 شهور بقيمة 13,500 جنيه، وفي السنة الثانية العميل هيدفع 4 أقساط ربع سنوية وكل قسط فيهم هيوصل لـ 14,500 جنيه، وفي السنة الثالثة، العميل هيدفع 4 أقساط ربع سنوية قيمة كل قسط فيهم 15,500 جنيه، وبكده هيوصل إجمالي عدد الاقساط اللي هيدفعها العملاء لـ 12 قسط ربع سنوي على مدار 3 سنين.
