سددنا أكثر من مليار دولار ديون.. خطة الحكومة لتأمين احتياجات الصيف من الغاز الطبيعي

مصر حاليا بتمر بموجات شديدة من درجات الحرارة المرتفعة.. ياتري مصر بتستعد ازاي لفصل الصيف وتأمين التغذية الكهربائية..  وهل الحكومة ممكن تفكر مرة تانية في أنها تطبيق خطة تخفيف الأحمال.

كل المؤشرات الموجودة حاليا بتقول ان في الصيف اللي جاي هيكون واحد من أشد فصول السنة في درجات الحرارة، والارتفاع ده في درجات الحرارة بيتطلب زيادة في التغذية الكهربائية وبيكون معاه ارتفاع كبير في الاحمال الكهربائية وبالتالي لازم تكون الدولة والبنية التحتية فيها مجهزة لتقصي درجة لاستيعاب الاحمال الجديدة اللي بتدخل علي الشبكة في فصل الصيف.

الفترة اللي فاتت واللي التوترات الجيوسياسية والاقتصادية زادت فيها في منطقة الشرق الأوسط الحكومة للاسف كانت في موقف لا تحسد عليه خصوصا أن واحدة من الدول الرئيسية في الصراع كانت هيا المصدر الأساسي الريسي للغاز الطبيعي في مصر،.د وبالتالي مع إشتعال دائرة الصراع الدولة دي قررت تعليق ارسال الغاز الطبيعي لمصر.

التوقف اللي حصل في ارسال شحنات الغاز الطبيعي لمصر خلي الحكومة في موقف سئ جدا بسبب انها كانت هتكون مضطرة لتطبيق خطة تخفيف الأحمال وقطع الكهرباء مرة تانية وده بعد وعود كتيرة بعدم العودة لتطبيق خطة تخفيف الأحمال وقطع الكهرباء علي البيوت والناس.

طيب إزاي الحكومة بتستعد لتأمين كهرباء فصل الصيف الحالي؟

خلال الفترة اللي فاتت الحكومة استعانت ب 3 سفن لتغييز الغاز الطبيعي وربطتهم بالشبكة الموحدة للغازات، وال 3 سفن دول مهمتهم الأساسية هيا تأمين الاحتياطات الأساسية لمحطات توليد الكهرباء خصوصا في فصل الصيف، وعلشان نكون عارفين ان التكلفة بتاع ال 3 سفن دول بتكون كبيرة جدا والسفينة الواحدة منها ايجارها اليومي بيعدي 250 الف دولار،. الهدف من الفاتورة الكبيرة اللي الحكومة بتدفعها دي هو تأمين الإمدادات اللازمة لمحطات توليد الكهرباء علشان المحطات تفضل شغالة وتولد الطاقة اللازمة للشبكة الموحدة للكهرباء وميكونش في عودة مو جديد لخطة تطبيق تخفيف الأحمال.

الفترة اللي فاتت الحكومة كانت عندها أزمة أن في سفيتتين من سفن تغييز الغاز الطبيعي للاسف مكانوش دخلوا الخدمة ولا تم توصيلهم بالشبكة الموحدة للغازات، وده كان عامل أزمة كبيرة لأنه كان بيهدد استمرار عمليات توفير الغاز الطبيعي لمحطات توليد الكهرباء ، ولكن الدولة مؤخرا نجحت في توصيل كل سفن التغييز علي الشبكة.

الحكومة استعانت كمان ب 3 سفن جديدة وحاليا موجودين في مدينة العين السخنة، والسفن دي مش شغالة بكامل طاقتها بس هيا بتأمن احتياجات الدولة المصرية ربما تحصل  مشاكل مفاجأة ممكن تتسبب في انقطاع للموارد التقليدية للغاز المصري.

الدكتور مصطفى مدبولي رئيس الوزراء قال إن في سفينتين إضافيتين هيوصلوا قريب جدا للأراضي المصرية هيتم توجيه سفينة منهم الي ميناء الإسكندرية، والتانية هتكون في ميناء العقبة الأردني كإجراء طارئ إضافي لفترة الصيف.