الإعلان عن كشف تجاري للدهب قبل نهاية العام الجاري
مصادر كشفت إن فيه إعلان كبير جاي قبل نهاية السنة دي عن اكتشاف جديد للدهب في منطقة اسمها "آفاق" في الصحراء الشرقية.
المصادر قالت إن نتائج الحفر والدراسات اللي اتعملت في المنطقة مبشرة جدًا، وكل المؤشرات بتقول إن فيه حاجة "تقيلة" جاية… والتقديرات المبدئية بتتكلم عن احتياطيات ممكن توصل لأكتر من 300 ألف أوقية دهب.
وطبعًا قبل ما يعلنوا الرقم النهائي، هيشتغلوا على دراسة جدوى علشان يحددوا الحجم الحقيقي للاحتياطي وكمان حجم الاستثمارات اللي هتضخ في المشروع الفترة الجاية.
ولحد دلوقتي، اتصرف على المشروع حوالي 7 مليون دولار من وقت ما بدأوا عمليات الحفر.
كمان في خطة بعد الإعلان الرسمي، إنهم يعملوا شركة جديدة تلم كل الأطراف اللي شغالة في المشروع وهي شركة شلاتين للتعدين (المنجم موجود في نطاق شغلها) وشركة آفاق (المقاول العام للمشروع) وهيئة الثروة المعدنية والتفاصيل بخصوص النسب والحصص لسه هتتحدد بعدين.
