مشروع جديد باقتصادية قناة السويس باستثمارات 70 مليون دولار.. هنستفيد منه إزاي؟
يا ترى إيه اللي حصل في المنطقة الاقتصادية لقناة السويس، وليه فيه اهتمام كبير بالمشروع الجديد اللي اتكلم عنه الإعلام، وننقذر نستفيد منه إزاي؟
في الحقيقية، في مشروع ضخم جدا بيحصل في المنطقة الاقتصادية لقناة السويس، واسمه "ديلي إيجيبت للصناعات الزجاجية"، واللي اتحط حجر الأساس بتاعه في منطقة السخنة التابعة للهيئة الاقتصادية لقناة السويس، وده باستثمارات وصلت ل 70 مليون دولار.
وده مش بس رقم كبير، ده مشروع حقيقي هيخلق جوالي 500 فرصة عمل مباشرة، غير فرص العمل التانية اللي هتيجي وراه في سلاسل التوريد والنقل والخدمات.
طب المشروع ده بيعمل إيه؟
شركة "ديلي إيجيبت" هتشتغل في تصنيع المنتجات الزجاجية المنزلية، يعني الحاجات اللي بنستخدمها كل يوم في بيوتنا من كوبايات وأطباق وفازات وغيرها.
المفاجأة بقى إن 80% من إنتاج المصنع ده هيتصدر للخارج، وده معناه إخ مصر مش بس بتنتج، لأ كمان بتكسب عملة صعبة وبتزود الصادرات، وده ينعكس على الاقتصاد ككل.
طب ليه الشركة اختارت السخنة؟
بص يا سيدي، المصنع اتبنى جوه منطقة "تيدا مصر" اللي هي واحدة من أهم المناطق الصناعية المتكاملة في السخنة، ودي تابعة للهيئة الاقتصادية لقناة السويس، اللي بقت دلوقتي وجهة مفضلة للمستثمرين من كل أنحاء العالم، وخاصة من الصين.
ودلوقتي، العلاقات بين مصر والصين في أفضل حالاتها، وفيه دعم سياسي مباشر من قيادات البلدين، وده اللي ساعد في إن المشروع ده ييجي للنور.
وكمان، في فشاريع تانية هتحصل قريب، لأن ئيس الهيئة الاقتصادية لقناة السويس، وليد جمال الدين، قال إنهم نجحوا في جذب استثمارات بقيمة 8 ونث مليار دولار في 3 سنين بس، يعني بنتكلم على 297 مشروع جديد في المواني والمناطق الصناعية. ومنها 121 مشروع في السنة المالية الأخيرة بس، بإجمالي استثمارات 4.4 مليار دولار.
وده بيأكد إن الموضوع مش صدفة، لأ، في خطة واضحة وشغل منظم لجذب المستثمرين وتعميق الصناعة في مصر، وكمان اامشروعات دي مش مجرد مصانع، دي فرص عمل وتدريب ونقل خبرات وصادرات، وكمان فلوس راجعة للبلد، لأن كل مصنع جديد بيتفتح، معناه فرص أكتر لشبابنا، ومصدر دخل جديد للبلد، واستقرار اقتصادي أحسن.
