سر تراجع الذهب بعد التوصل إلى اتفاق بين أمريكا والصين؟.. شوف اللي حصل
يا ترى إيه سر تراجع الدهب في الأيام الأخيرة، وإيه علاقة أسعار المعدن الأصفر بالاتفاق اللي حصل بين أمريكا و الصين، وهل ده ممكن يأثر على الأسعار في الفترة الجاية؟
في الساعات الأخيرة، أسعار الدهب نزلت بعد ما الأوقية فقدت حوالي 2.8% من قيمتها في نهاية الأسبوع، وده رغم إن البورصة العالمية كانت واخدة أجازة نهاية الأسبوع، يعني اللي حصل مش مجرد حركة عادية في السوق، لأ ده وراه أسباب كبيرة ومؤثرة.
طيب ليه، وإيه السبب؟
بص يا سيدي، أول واهم حاجة حصلت كانت الاتفاق التجاري الجديد بين أمريكا والصين، لأنو هدى كتير من التوترات اللي كانت مقلقة السوق، خاصة وإن السوق لما بيحس إن مفيش حرب تجارية جاية، وإن في انفراجة في العلاقات بين قوتين كبار زي أمريكا والصين، الناس بتبدأ تحس بأمان.
ولما الناس تحس بأمان، بيروحوا بعيد عن الدهب، وبيدوروا على الأصول اللي ممكن تجيب لهم مكاسب أعلى زي الأسهم، عشان كده، قال سعيد إمبابي، المدير التنفيذي لمنصة "آي صاغة"، إن الدهب نزل 25 جنيه بس، وسعر جرام 21 بقى ب 4600 جنيه، أما الأوقية فخسرت 95 دولار، يعني الموضوع مش هبة، لأ ده تراجع واضح ومتأثر بحركة السوق العالمية.
طب مش المفروض لما الدولار يبقى ضعيف والفايدة متوقع لها تقل، الدهب يقوى؟
دي حقيقة وده فعلاً اللي محير ناس كتير، فعلا الدولار نازل 1.3%، والفايدة احتمال تنزل في الشهور الجايو، بس المشكلة إن الناس رجعت تشتهي المخاطرة، فبقوا عايزين يحطوا فلوسهم في الأسهم والعقارات وحاجات تانية تجيب أرباح أسرع.
كمان، في حاجات جيوسياسية خفتت الدنيا، زي مثلا إيران، اللي بدأت تبعت إشارات دبلوماسية لأمريكا، وهدت الدنيا مع إسرائيل، وكمان الحرب بين إسرائيل وغزة ممكن تنتهي خلال أسبوعين.
أما الصين، فأعلنت إنها هتسرع شحنات المعادن النادرة لأمريكا، وده معاناه إن التوترات اللي كانت بتدعم سعر الدهب بدأت تهدى.
وطبعا، كل ده خلى الناس تبعد عن الدهب وبالتالي اسعاؤه نزلت، بس خلي بالك رغم كل ده، الدهب لسه محاف. على قوته، لكنه بس بيمر بمرحلة انتقالية، والناس بتعيد تقييم كل حاجة، والأسواق بتتغير بسرعة، وكل أصل بيتأثر بالقرارات والتوقعات اللي حوالينا.
وعشان كده، فاللي اشترى دهب السنة اللي فاتت وشايف إنه نزل شوية، ما يقلقش، لأن الدهب عمره ما بيخسر نص قيمته في أسبوع، زي ما بيحصل في البورصة، لكنه أصل طويل المدى، مش للي عايز يكسب بكره.
ونقدر نقولك، لو حضرتك بتفكر في الأمان، ولو نش بتجري ورا المكسب السريع، وكمان لوبتدور على تحويشة العمر وتتجنب من التضخم والضرائب والتقلبات، فالدهب مش هيخذلك أبدا.
