هنوصل لـ2 مليار دولار سنويا.. شوف خطة الحكومة لخفض الدين العام
الدين العام واحد من الحاجات اللي ماثره عن الأنجازات والاهداف اللي الحكومة عايزة تحققها.. بس الحكومة حاليا حطت خطة للتخلص من الدين العام.. ياتري اية هيا الخطة دي وازاي الحكومة هتتخلص من الدين العام.
سمعنا كتير عن الدين العام سواء في وسائل الاعلام سواء كانت مرئية أو مسموعة أو حتي مكتوبة، وفي نسبة كبيرة منا متعرفش يعني اية دين عام واية معني المصطلح ده.. واية اللي يخلي الحكومة اصلا عليها ديون... ومين الجهات اللي بتقدم قروض للحكومات والقروض اللي بتحصل عليها الحكومات دي بتكون بضمان اية.. الاسئلة دي واسئلة تانية كتيرة أكيد واحد منهم جه في بالك في يوم من الايام وغالبا كانت الاجابة غاية عليك.
طيب اية هيا قصة الدين العام ده وازاي الحكومة تتغلب عليه وتسدد ديونا؟.
مصطلح الدين العام هو إجمالي الفلوس اللي الدولة اقترضتها من الداخل والخارج لتمويل عجز الموازنة العامة، وفي الفترة اللي فاتت الدين العام تضاعف بارقام كبيرة نتيجة عوامل داخلية وخارجية، أولهم زيادة الإنفاق الحكومي وتراجع الإيرادات في فترات معينة وتأثيرات الأزمات العالمية زي جائحة كورونا والتغيرات الجيوسياسية.
في الوقت الحالي الحكومة حطت هدف رئيسي لخفض الدين العام وتحقيق الاستقرار المالي وتحفيز النمو الاقتصادي المستدام، والحكومة حاليا بتستهد خفض نسبة الدين العام في الناتج المحلي الإجمالي لأقل من 80% في 2027، وعلشان الحكومة توصل للهدف ده فالحكومة حاليات بتعتمد علي خطة لتقليل تكلفة خدمة الدين من خلال تنويع مصادر التمويل وإطالة آجال الاستحقاق، وحاليا بنستهدف تحقيق فائض أولي سنوي لا يقل عن 2.5% من الناتج المحلي.
خطة الحكومة لتقليل الدين العام قايمة علي أكثر من هدف أولهم تحسين كفاءة الإنفاق العام وده بيحصل من خلال إعادة هيكلة الدعم وتوجيهه إلى الفئات المستحقة، وتعزيز الإيرادات الضريبية بدون زيادة الأعباء من خلال دمج الاقتصاد غير الرسمي وتوسيع القاعدة الضريبية، وده بند مهم جدا والحكومة شغالة عليه بكل قوة وقدمت تسهيلات ضربيبة جديدة غير مسبوقة لدخول كل الممولين والستثمرين في عجلة الاقتصاد القومي للدولة.
الحكومة بتستهدف كمان ضمن خطة خفض الدين العام الاعتماد على التمويل المحلي بدلًا من الاقتراض الخارجي قدر الإمكان، والتحول إلى أدوات الدين طويلة الأجل لتقليل ضغط السداد السنوي، وتفعيل دور القطاع الخاص في الاقتصاد لتقليل العبء على الموازنة العامة.
طيب اية الحاجات اللي الحكومة نجحت فيها علشان نصفر الدين العام؟.
في الحقيقة الحكومة في الوقت الحالي اشتغلت علي نقط كتيرة جدا لتنمية وتطوير الاقتصاد المصري، وده ظهر في اكثر من نقطة ايجابية أولها تحقيق فائض أولي في أكثر من عام مالي، والتراجع التدريجي في نسبة الدين إلى الناتج المحلي، وده ادي لتحسين تصنيف مصر الائتماني في فترات معينة، وكل النتائج الإيجابية دي حصلت في وقت مصر بتواجه في تحديات كبيرة جدا أهمها ارتفاع أسعار الفائدة عالميا وتقلبات سعر الصرف والضغوط الاقتصادية الناتجة عن الأزمات العالمية، والحكومة حاليا بتستهدف خفض الدين العام بنسبة 1 إلي 2 مليار دولار سنويا.
