استثمارات من كل حتة.. رحلة صيد المليارات

مصر حاليا شغالة بكل قوة علي جذب استثمارات في كل المجالات، وبدأت تنفذ خطوات حقيقية علشان تحقق تنمية استثمارية اقتصادية في كل المجالات.. ياتري اية اللي بيحصل في خريطة الاستثمارات.. ومصر مستهدفة استثمارت منين بالضبط.. خليكم معانا للآخر

 
جذب الاستثمارات في الوقت الحالي هدف وتوجيه رئاسي لازم يتحقق، وده كان أول التكليفات الرئاسية اللي حددها الرئيس السيسي للحكومة، وطلب من الحكومة تحط خطة وخريطة عمل لتنويع وجذب استثمارات اجنبية في كل المجالات، وطلب من الحكومة كمان انها تشتغل علي تذليل العقوبات اللي هيا كانت السبب في تطفيش نسبة كبيرة من الاستثمارات الأجنبية في مصر في الفترات اللي فاتت .
طيب اللي عملته الحكومة علشان تجذب اكبر قدر ممكن من الاستثمارات الأجنبية ؟.
بداية خطة الحكومة لجذب الاستثمارات الأجنبية كانت بتعديل التشريعات واعادة صياغة قوانين الاستثمارات، بحيث يكون المجال المصري جاذب للاستثمارات، وكمان يكون اصدار التصاريح اللازمة لدخول الاستثمارات الجديدة لمصر من مكان واحد بدل اللي كان بيحصل قبل كده، خصوصا أن اي مستثمر كان علشان يدخل مصر وياخذ تصريح بناء مصنع او مكان تجاري لازم يلف علي جهات كتيرة جدا في وزارات وأماكن محتلفة علشان يخلص التصاريح وكان طبعا في جهات بترفض منح التصريح والحجج كتيرة ومفيش اكثر منها، ومن هنا كان اي مستثمر عايز يدخل مصر ويشوف ولا يسمح اللي بيحصل مع المستثمرين كان بيخرج قبل ما يدخل.

خطة الحكومة لجذب استثمارات جديدة موقفتش علي تعديل قوانين الاستثمار بس، ده كمان كان وراها اصلاحات اقتصادية كتيرة جدا خصوصا في توحيد سعر الصرف لأن مفيش مستثمر اجنبي هيدخل اي دولة يرمي ملايين الدولارت في الارض، وفي الأخر بعد ما ينبي ويشتري مكن ويجهز مصنع بكل مشتملاته وفي الاخر يفاجي أن كل يوم المواد الخام بسعر جديد وطبعا السعر بتاع بكرة اعلي من سعر النهاردة، والخطوات الاقتصادية اللي قامت بيها الدولة في توحيد سعر الصرف وانتهاء حاجة اسمها السوق السودا في التجارة بالعملة كانت هيا الفصيل في سيل الاستثمارات الأجنبية الكبيرة اللي بتدخل مصر يوم بد التاني .
طيب اية هيا ابرز الاستثمارات الأجنبية اللي هتدخل مصر حاليا؟.
في الفترة الأخيرة الرئيس عبدالفتاح السيسي والحكومة عملوا مجهودات جبارة في ملف جذب الاستثمارات، وكان اخرها الزيارة اللي قام بيها الرئيس السيسي لتركيا واللي كان معاها توقيع عدد كبير من الاتفاقيات منها اتفاقية التجارة المشتركة وعلي اساسها تركيا اعلنت عن بناء 1000 مصنع جديد في مصر، ده غير الزيارة اللي قام بيها الدكتور مصطفي مدبولي رئيس مجلس الوزراء للمملكة العربية السعودية لوضع البنود النهائية لبحث التعاون واللي كان معاها اعلان السعودية ضخ استثمارات جديدة بقيمة 5 مليار دولار كاستثمارات جديدة للسوق المصري، ده غير الاستثمارات الاماراتية الجديدة في منطقة راس الحكمة واللي وصلت العوائد بتاعتها لـ 35 مليار دولار كعوائد مباشرة للمشروع، ده غير 150 مليار عوائد اقتصادية متوقعة هتدخل لمصر مع بداية تشغيل المشروع ده غير ملايين فرص العمل اللي هتتوفر للشباب المصري من العمل بالقطاعات المتعلقة بالمشروع سواء كانت فرص عمل مباشرة أو غير مباشرة .