وزير السياحة بيعمل إيه في السعودية.. مفاجأة من الآخر

 
 
هو وزير السياحة المصري زار السعودية ليه من كام ساعة وايه سر  ال24 مليار دولار السعودية اللي مصر عاوزة نصيبها فيهم وازاي ممكن السياحة السعودية تكون منجم دهب دولارات للاقتصاد المصري.. في الفيديو ده هنشرح لحضراتكم التفاصيل خليكم معانا للآخر.

 
شريف فتحي وزير السياحة والآثار المصري زار النهاردة النهاردة المملكة العربية السعودية وعقد لقاءات رسمية ومهنية كتيرة مع عدد من الوزراء والمستثمرين ورجال الأعمال السعوديين وأصحاب شركات السياحة والسفر والترويج في المملكة  ومن بين اللقاءات كانت جلسته مع وزير السياحة بالمملكة العربية السعودية احمد الخطيب بمقر وزارة السياحة السعودية.

تعزيز التعاون المشترك بين البلدين في مجال السياحة والآثار كان هو محور الزيارة للوزير المصري واللي ناقش كمان مع المسؤولين عن السياحة السعوديين آليات الترويج السياحي المشترك وزيادة حركة السياحة البينية بين البلدين واستغلال العلاقات الوطيدة التي تربط بين البلدين والشعبين الشقيقين، ودا غير  الكلام عن التعاون في التدريب المشترك، وتنظيم ورش عمل بين شركاء المهنة من الشركات المصرية ونظيرتها السعودية لبحث سبل الترويج السياحي المشترك وإعداد برامج تنفيذية سريعة لزيادة حصة المنطقة العربية من حجم السياحة العالمية.
كل اللي فات دا كان الكلام الرسمي بتاع بيان الزيارة لكن اللي بين السطور مليان تفاصيل مهمة جدا وهي إن مصر عينها على سوق السياحة السعودية واللي بتعتبر من أهم وإميز الأسواق السياحية في العالم ودا لأن حجم الإنفاق للسائح السعودي هي بين الاعلي في العالم لأن العبرة مش بعدد السياح لكن الأهم بالقوة الشرائية والانفاق العالي طول مدة رحلته لمصر ولو هنرجع للأرقام الرسمية هتعرف ليه الأسواق التركية والأسيوية والأوروبية بتتسابق لجذب السياح الخليجيين بشكل عام والسعوديين على وجه الخصوص.

شوف ياسيدي عشان تعرف قد ايه زيارة وزير السياحة المصري للسعودية مهمة جدا في الوقت الحرج قطاع السياحة السعودية حقق إيرادات اكتر من 141 مليار ريال أو 38 مليار دولار  ودا اللي أنفقه السياح في السوق السعودي ، ودا حسب تقرير إحصاءات السياحة السنوي الصادر عن وزارة السياحة في 2023 وذكر التقرير أنه قد تم إنفاق الجزء الأكبر من هذا المبلغ على الإقامة بنحو 12مليار دولار.. طبعا ممكن من خلال ادراج مصر كوجهة سياحية في برامج للسياح اللي بيزورو السعودية هيفرق كتير في زيادة التدفق السياحي لمصر.

ولسه مع لغة الأرقام واللي كشفت أن  السياح  السعوديين  بالخارج  من أكتر  الجنسيات  إنفاقا في  الرحلات  الخارجية،  وهم  في  صدارة  السياح  العرب  إنفاقا وعددا وتتنافس   ويقدر  عدد  السعوديين  اللي  بيسافروا  للخارج  للسياحة  بصفة  منتظمة  بـ 13 مليون  سائح  سنويًا،  قفز  إنفاق  السعوديين  على  السياحة  خارج  المملكة  خلال   2022  الى  أعلى  رقم تاريخي  بما  يقارب  88 مليار  ريال أو مايعادل 24 مليار دولار على  السياحة  بالخارج  في   2022.
خلصت الأرقام السعودية ونروح نشوف نصيب السوق المصري من السياحة السعودية وحسب البيانات الرسميو مصر استقبلت  1.1 مليون سائح من دول الخليج العربي خلال 2023 منهم 800 ألف وافد سعودي يعني الغالبية العظمى من السعوديين وعشان كده الوزير المصري زار الممكلة لأن مصر بتخطط لمضاعفة اعداد السياح السعوديين في مصر وإنعاش القطاع السياحي في وقت المنطقة كلها توترات وصراعات والسوق السعودي ممكن يكون طوق النجاة للسياحة المصرية لأنهم عايشين نفس الظروف بالمنطقة ولأن مصر اكتر أمانا ليهم من أسواق تانية في تركيا أوروبا مثلا.

مصر من ناحيتها عندها خطة طموحة جدا لمضاعفة طاقتها الفندقية الحالية والتي تبلغ  220 ألف غرفة في ظل استراتيجية الوصول إلى 30 مليون سائح بحلول 2028 واللي هتحتاج فيها لطاقة فندقية ضخمة جدا.