مليارات المركزي ودهبه .. بيانات الثلاثاء الصادمة لاهل الشر

 
 
النهاردة البنك المركزي المصري طلع بيانات وأرقام مهمة جدا قد مافرحت المصريين على قد ما زعلت وصدمت أعداء البلد دي واهل الشر.. المركزي قال ايه .. وايه حكاية مليارات الدولارات اللي أعلن عنها وازاي مصر قدرت تعمل معجزة في عز العاصفة.. كمان إيه قصة الدهب اللي دخل المركزي في الأيام الأخيرة.. تعالو نشوف أي اللي حصل النهاردة في الفيديو ده خليكم معانا للآخر 
 

 
معروف إن البنك المركزي المصري من اقوى وأعرق البنوك المركزية في المنطقة والعالم ودا لأن تاريخه طويل جدا ومصر هي اللي اخترعت البنوك في المنطقة وعلشان كده تلاقي الخبرة المتراكمة ليها تأثير كبير في إدارة المركزي للسياسات النقدية وكمان تعامله مع الأزمات الحادة والخروج منها بأمان ودا اللي حصل في أزمة 2022و 2023 بعد اندلاع الصراع الروسي الأوكراني وبعدها أزمات الشرق الأوسط والصراعات في المنطقة وقدر يتعامل بحرفية ومهارة ومرونة مع كل التحديات وفي قلب العاصفة المالية قدر يحقق معجزة بتحقيق زيادة في الاحتياطي النقدي كمان تلبية حاجة السوق من العملة الأمريكية والقضاء على السوق السودا.
والحقيقة أداء البنك المركزي كان ليه الأثر في كسب الأسواق المالية والاقتصادية المصرية الثقة على المستوى الدولي ودا انعكس على برامج الدعم والتمويل الخارجية وكمان في فتح أبواب الاستثمار بعد تحرير سعر الصرف والسياسات المالية الجديدة وتطوير الخدمات البنكية وتخفيف والغاء القيود اللي فرضها المركزي في وقت الأزمة كإجراء احتياطي.

طيب ايه الجديد في مفاجآت البنك المركزي المصري ؟
شوف ياسيدي البنك المركزي المصري النهاردة أعلن عن كام مفاجأة الحقيقة سببت صدمة كبيرة لأعداء البلد دي واللي مش عاوزين ليها الخير واللي غاظهم اكتر إن الأرقام دي جت في وقت المنطقة كلها مرعوبة من اللي بيحصل لكن مصر مستمرة في تحقيق الأرقام الاقتصادية الكبيرة ومثلا  النهاردة  البنك المركزي المصري أعلن عن زيادة الإيرادات السياحية بمعدل 5.5%، واللي سجلت 14.4 مليار دولار في 2024-2023 مقابل 13.6 مليار دولار العام المالي السابق له يعني زيادة بحوالي مليار دولار مرة واحدة وزي ما احنا عارفين إن مصر في عرض دولار دلوقتي بعد تأثر إيرادات قناة السويس بشدة.

البنك المركزي كشف كمان في تقريره عن أداء ميزان المدفوعات خلال السنة المالية 2023-24، أن الزيادة في أرقام الإيرادات السياحية كانت بسبب ارتفاع عدد الليالي السياحية بمعدل 5.5% لتسجل 154.1 مليون ليلة، وعدد السائحين الوافدين بمعدل 7.4% ليسجل نحو 14.9 مليون سائح وكشف البنك المركزي، إن صافي تدفقات الاستثمار الأجنبي المباشر بلغت 46.1 مليار دولار في 2023-24، كأعلى قيمة تاريخية ليه يعني الرقم دا ما اتكررش قبل كده ولسه مصر بتتوقع 100 مليار دولار استثمارات مباشرة السنة الجاية.
المفاجأة التالتة من البنك المركزي النهاردة كانت في ارقام تحويلات المصريين العاملين بالخارج في 2023-2024 واللي وصلت 21.9 مليار دولار ودا بعد ايه.. بعد انهياره بشكل كبير جدا ايام أزمة الدولار وتوحش السوق السوداء وفقدت البنوك مورد مهم جدا وقتها لغاية قرار المركزي بتعويم الجنيه.

المركزي كشف كمان إن إيرادات قناة السويس سجلت 6.6 مليار دولار في 2023-24 مقابل 8.8 مليار دولار في السنة المالية السابقة ودا رغم الأزمة الصعبة في خطوط الملاحة في البحر الاحمر لأسباب كلنا عارفينها .
مش بس دولارات اللي وفرها البنك المركزي لكن كمان البنك استقبل كميات دهب كبيرة من شركة شلاتين الحكومية ودا حسب أرقام الشركة واللي قالت انها رفعت إنتاجها من الدهب بنحو 25% خلال أول 9 أشهر من 2024 و بلغ  700 كيلو جرام خلال الفترة من يناير حتى نهاية سبتمبر، مقابل  560 كيلو جرام خلال نفس الفترة من 2023 وإن إجمالي كميات الدهب المنتجة خلال النص الأول من 2024 والمُسلمة إلى البنك المركزي المصري بلغت نحو 400 كيلو جرام بقيمة 1.5 مليار جنيه.