خدمات لا تعرفها على "انستاباي" بعد قرار المركزي

في الفترة الأخيرة، بيفكر البنك المركزي المصري، يضيف خدمات جديدة على تطبيق "انستا باي"، واللي هو تطبيق للتحول الرقمي بالقطاع المصرفي والمالي.

يعني حضرتك هتقدر تحصل على على عدد كبير من الخدمات الجديدة المميزة لشبكة المدفوعات اللحظية، واللي مش هتقتصر على السحب النقدي  بدون بطاقة من ماكينات ال Atm، أو الشراء من خلال نقاط البيع الإلكترونية للتجار أو تطبيقات الهاتف المحمول الإلكترونية بس، لأ ده هيتم إطلاق تلك الخدمات تباعًا خلال السنة دي.

طب إزاي استفيد من خدمات انستا باي؟ 
بص يا سيدي، حضرتك هتحمل التطبيق، وبعد كده تسجل عليه عشان تقدر تعمل تحويلاتك اللحظية على مدار اليوم وطوال أيام الأسبوع، يعني ممكن تحول من وإلى أي شخص من خلال الحسابات البنكية أو المحافظ الإلكترونية وكمان من بطاقات ميزة.  

كمان، متاح التحويل من الحسابات البنكية وكروت / بطاقات ميزة مسبقة الدفع التحويل لأي شخص عنده حسابات بنكية، ومحافظ الكترونية وكروت، والتحويل بيكون آمن جدا وسهل ومريح، وتقدر تحول من 100 جنيه لحد 70 ألف جنيه في المرة الواحدة، ومتاح لحضرتك 120 ألف جنيه حد كل يوم و400 ألف جنيه تحويل كل شهر.

طب إزاي تستقبل الفلوس على تليفونك ؟ 
ده بيحصل من خلال رقم التليفون المربوط بالحساب البنكي اللي تم إضافته إلى انستاباي، ولو ليك أكتر من حساب، فلازم انك تحدد حسابك الرئيسي اللي هتستقبل عليه الفلوس بكل سرية، لأن انستاباي تطبيق مرخص من البنك المركزي المصري، فبيكفل  التطبيق نظام تأمين بيانات العملاء ضد مخاطر الاستخدام الغير مسئول والدخول غير المصرح به.

طب هل ممكن استعادة التحويل في حالة إنك بعته بالغلط لحساب تاني؟

للأسف، ماينفعش، عشان كده لازم تركز وأنت بتحول فلوسك عشان تبقى في الأمان.