لو عاوز تفتح حساب في بنك مصر.. اعرف مزايا الجاري والتوفير والفرق بينهم

عاوز تفتح حساب في البنك. سألت نفسك الأول إيه هي أنواع الحسابات البنكية، وإيه أفضلهم، وإزاي اختار الحساب المناسب ليا، واللي أقدر استفيد منه، هنقولك كل التفاصيل قبل ما تاخد القرار، فتابعنا للآخر. 
 

في الفترة الأخيرة وفي عصر السوشيال ميديا، زاد الإقبال على البنوك من ناس كتير عشان تفتح حسابات بنكية، وده بيجي في الوقت اللي البنوك بتقدم فيه تسهيلات ومزايا كتيرة.

ومن هنا، نقدر نقولك إن فق أنواع للحسابات البنكية، واللي هي الحساب الجاري وحساب التوفير، طب إيه الفرق بينهم ومزايا كل نوع قبل ما تاخد القرار.

بص يا سيدي، الحساب الجاري في بنك مصر له مزايا كتيرة، واللي بينها إن البنك بيطلعلك بطاقة أو فيزا تقدر فيها تنفذ معاملات وتشتري من أي مكان أو حتى من على النت.

كمان الحساب الجاري بيتيح لك بطاقة ديبيت كارد، ومن خلالها مش هتضطر تشيل فلوس، وكمان هيطلع لك دفتر شيكات، وهتلاقي سهولة في دفع فلوس المعاملات التجارية، من غير ما تضطر انك تشيل فلوس ممكن تتسرق منك.

أما حساب التوفير، فمن أهم مزاياه، انك لما تحط فيه فلوس بينزل عليها فوايد، وكمان بتتنوع دورية صرف العائد بين فوائد يومية أو شهرية أو ربع سنوية حسب احتياجات العميل.

وفي مزايا مشتركة من بين حساب التوفير والجاري، وهي سهولة الاشتراك في خدمة الإنترنت البنكي، وكمان سهولة تحويل الأموال من الحسابات البنكية في أي وقت ولأي حساب آخر وقي أي مكان.

ضيف على ده، إن البنوك بتيح لعملائها مزايا تجميع نقاط إضافية في كل مرة يتم استخدام البطاقة فيها، خاصة "الدبيت كارد" الخاصة بالمشتريات.

طب بعد ما عرفت النصايح، إيه المستندات المطلوبة لفتح الحساب؟

مطلوب صورة من البطاقة الشخصية السارية أو شهادة الميلاد وإثبات محل الإقامة، من خلال إيصال سداد خدمات الغاز أو المياه وغيرها،  المستندات دي لازم تقدمها بفرع البنك.

ولازم تدفع الحد الأدنى لفتح الحساب، اللي ممكن ببلاش وممكن يوصل ل 500 أو ألف جنيه أو ألفين، كمان ممكن تقدم إثبات دخل لفتح حساب جاري أو حساب توفير.

كمان نقدر نقولك إن بنك مصر بيتيح دلوقتي فتح حساب جاري المنجز مجانا وبحد أدنى 100 جنيه فقط، وكمان ببعفي  العميل من المصروفات على الحساب للعام الأول، وبيقدمل له تخفيض 50% للسنة الثانية، وكمان بيطلع له بطاقة ودفتر شيكات مجانًا.

وبما اننا بنتكلم عن بنك مصر، فالبنك دلوقتي فتح باب التوظيف فيه، وبالفعل طلب ممثل خدمة العملاء في جميع أنحاء الجمهورية، بس لازم يكون عنده مهام ومسؤوليات وظيفية، واللي هي خدمة العملاء من خلال استكمال معاملات الحساب، وكمان تنفيذ مجموعة متنوعة من المعاملات والخدمات اللي بتشمل قبول المدفوعات لأنواع مختلفة من الحسابات، وصرف الشيكات، والتحقق من أرصدة الحسابات، وتحويل الأموال.

مطلوب كمان إن المتقدم يقدم الخدمات لجميع العملاء لضمان المستوى الأمثل لرضا العملاء وحل جميع المشكلا، ويحدد الفرص لتنمية العلاقات مع العملاء من خلال عملية البيع المنضبطة، ومش بس كده لأ ده كمان يساهم في تحقيق الخطة المستهدفة للفرع ويوجه العملاء لاستخدام الخدمات المصرفية الإلكترونية المختلفة.

طب الشروط؟
الشروط والمؤهلات والخبرات المطلوبة، هي خبرة 3 سنين، ويكون معاه بكالوريوس من أي جامعة معتمدة بتقدير جيد فما فوق، ويكون عمره تحت 28 سنة والشرط الأهم مايكونش له قرايب شغالين في بنك مصر.