أثار مصر تستاهل.. قرارات جديدة بخصوص المواقع الأثرية والمتاحف

المجلس الاعلي للآثار، اعتمد زيادات جديدة في أسعار تذاكر دخول الزائرين بعدد من المواقع الأثرية، وكمان زيادة أسعار إقامة الأنشطة زي الحفلات الخاصة وغيرها.. يا تري الأسعار الجديدة هتوصل لكام وامتي موعد تطبيقها 
 

 
التغيرات اللي حصلت في أسواق صرف العملات الأجنبية مقابل الجنية المصري لها انعكاسات علي كل حاجة في بلدنا، وواحد من أهم الحاجات دي هيا الأسعار، واللي كل يوم بترتفع عن اليوم اللي قبله، وواحد من الأسعار دي هيا أسعار الخدمات اللي بتقدمها الدولة للمواطنين، واحد من الخدمات دي هيا دخول المناطق الأثرية والمتاحف علي مستوي الجمهورية، واللي بتعد حاليا واحد من وسائل دخول العملات الأجنبية للدولة المصرية في الوقت الحالي.
طيب اية اخر الأسعار اللي الدولة هترفعها في الفترة اللي جاية؟.
المجلس الأعلي للآثار في اخر إجتماعه، أصدر عدة قرارات بتعديل اسعار الزيارات بالمواقع الآثرية والمواقع التابعة له علي مستوي الجمهورية وهيبدأ العمل بالأسعار الجديدة  للزيارة أعتبارا من اليوم الأول لعام 2025 .
قرارات المجلس الأعلى للآثار تضمنت تعديل رسوم دخول زيارة هرم خوفو بمنطقة الأهرامات الآثرية من الداخل، ووفقا للأسعار الجديد هيوصل سعر تذكرة دخول الزائر الأجنبي 1500 جنية، والطالب الأجنبي 750 جنية، والزائر المصري 150 جنية، والطالب المصري 75 جنيه.

المجلس الأعلي للآثار  أعلن كمان علي تعديل مقابل إقامة الأنشطة والفعاليات بالمواقع الأثرية والمتاحف التابعة للمجلس الأعلى للآثار زي الافراح والاحتفالات والمؤتمرات وغيرها من الأنشطة اللي أصبحت بتقام بشكل دوري في المناطق. المتاحف الأثرية، خصوصا أن المواقع الأثرية حاليا بقت براند مهم جدا لكبري الماركات العالمية واشهر الناس حوالين العالم اللي نفسهم يعلموا كل احتفالاتهم والأنشطة بتاعتهم في المناطق الأثرية بتاعنا.
قرارات المجلس الأعلى للآثار بخصوص اسعار إقامة الأنشطة والفعاليات بالمواقع الأثرية والمتاحف التابعة له، وهيتم تحصيل مبلغ 70000 جنيه مقابل إقامة الفعاليات والأنشطة لكل 100 فرد، وكمان تحصيل 50% من قيمة المقابل المقرر عند زيادة العدد لأكثر من 100 فرد وحتى 50 فرد بمبلغ 35000 جنيه، وفي حالة زيادة العدد عن ذلك يتم تحصيل كامل قيمة مقابل الخدمة المقرر.
القرارات برضوا تضمنت السماح بالتجهيز للفعالية في نفس اليوم مع بداية فتح الموقع الأثري مجانا، وكمان هيام تحصيل مقابل إقامة النشاط أو الفعالية بالإضافة الى رسوم الإشراف ورسوم صندوق العاملين ومقابل مرافق المياه والكهرباء اللي هيستخدمها الزائرين اللي هيحضروا الفعالية أو النشاط .

مش كده بس لا ده كمان المجلس الأعلي للآثار وافق علي تعديل أسعار مقابل الزيارة الخاصة للمواقع الأثرية والمتاحف التابعة له،  هيام تحصيل مبلغ 40000 جنيه عن كل 50 فرد بالإضافة إلى تذاكر الزيارة للموقع الأثري، وفي حالة كان الموقع الأثري اللي الزائر عايز يدخله مقفول ولسه مش مفتوح للزيارة  هيتم استخدام تذاكر الزيارة الأقرب موقع اثري مفتوح للزيارة، والسعر ده هيشمل مقابل الزيارة الخاصة علي رسوم الإشراف ورسوم صندوق العاملين ومقابل مرافق المياه والكهرباء للزيارة الخاصة وهي فتح الموقع الأثري بغرض الزيارة في غير مواعيد العمل الرسمية للمواقع المفتوحة للزيارة وكذا المواقع المغلقة للزيارة سواء في مواعيد العمل الرسمية أو غير مواعيد العمل الرسمية.
المجلس الاعلي للآثار حدد كمان فترة الزيارة هي ساعتان وفي حالة زيادة مدة الزيارة عن ساعتين هيتم إحتساب فترة زيارة بمقابل جديد.