فلوس بالمليارات.. سر الاستثمارات الصامتة في مصر

 
 
هو ايه اللي بيحصل في ملف الاستثمار في مصر وايه حكاية الاستثمار الصامت والمليارات اللي في السوق وازاي الدولة ممكن تستفيد من المبالغ الضخمة الموجودة.. تابعونا للآخر وهتعرفوا التفاصيل.
 

معروف أن الاستثمار في مصر أو أي دولة هو استثمار محلي أو 
أجنبي والمقصود بالمحلي هنا يعني الاستثمارات المصرية سواء استثمارات شركات أو أفراد أو هيئات أما الاستثمار الأجنبي فييكون استثمار مباشر أو ساخن أو في المشروعات المختلفة أو في الشراكة مع القطاعات الاقتصادية المصرية وفي الفترة الأخيرة حصل تطور كبير في ملف الاستثمار بكل أشكاله خاصة الاستثمار الخارجي وشفنا إزاي مصر استقطبت مليارات الدولارات في سنين قليلة وكان الأكبر منها صفقة رأس الحكمة الإماراتية وبعدها بدأت الاستثمارات الخارجية تتدفق على السوق المصري من كل ناحية..

النهاردة هنتكلم في بانكير عن استثمار صامت أو محدش واخد باله منه وهو استثمار الصناديق الخاصة بما فيها صناديق التأمينات وعشان تعرف ليه بنقول عليه استثمار صامت فدا عشان اغلب الصناديق الخاصة دي بتستثمر مع نفسها لأن ولايتها مش تبع وزارة المالية لكن تبع الهيئات والمؤسسات الحكومية وحصل كلام كتير بخصوص ضمها للدولة أو وزارة المالية في الفترة الأخيرة.
وبالارقام بتوصل عدد صناديق التأمين الخاصة المسجلة حوالي 764 صندوقًا في نهاية سنة 2021، بلغ العامل منها 694 صندوق بالإضافة إلى 70 صندوقًا تحت التصفية، وبيستفيد منها حوالي 5 مليون عضو، بإجمالي اشتراكات سنوية بلغت قيمتها 13.6 مليار جنيه في نهاية عام 2021 وأكيد الرقم دا زاد دلوقتي بشكل كبير..
المهم حصل قفزة في استثمارات صناديق التأمين الخاصة بنهاية عام 2021 نحو 102.3 مليار جنيه بمعدل نمو بلغت نسبته 19.5% مقارنة بالعام السابق 2020 بحسب اخر بيانات واللي كشفت عن ارتفاع إجمالي استثمارات صناديق التأمين الخاصة في مصر إلى 36.7 مليار جنيه خلال الفترة من يناير وحتى نهاية شهر يونيو اللي فات مقارنة بنحو 11.5 مليار جنيه خلال الفترة المماثلة من العام الماضي، بنسبة نمو بلغت نحو 219% ودي بتعتبر قفزة كبيرة جدا بتصب في النهاية في صالح الاقتصاد المصري.

وبحسب نفس البيانات الصادرة عن الهيئة العامة للرقابة المالية في مصر، بلغ حجم استثمارات صناديق التأمين خلال شهر يونيو لوحده حوالي 10.9 مليار جنيه مقارنة مع 2.04 مليار جنيه خلال نفس الفترة من السنة اللي فاتت، بنسبة نمو بلغت نحو 435.6%.
ليه بنقول الأرقام دي لحضراتكم.. عشان ببساطة دا استثمار مهم جدا وواضح من الأرقام كده إن فيه طفرة كبيرة في حجم النوع دا من الاستثمارات واللي لو حصل تركيز عليها هتحصل نقلة نوعية في حجم المشروعات الخاصة في مصر لأنها بتعتبر إضافة كبيرة للسوق .