سر صمود الجنية

يا ترى إيه أسباب صمود الجنية أمام الدولار فى الفترة الأخيرة ؟وازاى البنك المركزي قدر يقضى على محاولات عودة المضاربات على العملة الأمريكية؟ وليه التدفقات الدولارية رجعت تانى تزيد ؟ وازاى صناع السياسة النقدية قدروايرجعوا الثقة من جديدفى القطاع المصرفي؟

من فترة كده حصل ارتفاع مفاجيء فى سعر الدولار الأمريكي وكان كل يوم بيقفز قفزات كبيرة لغاية ما سعره كان خلاص داخل على 50 جنية قبل مايرجع تانى يتراجع ويقف عند مستويات فوق ال 48 جنيه رغم ان ناس كتيركانت بتردد شائعات وكلام عن عودة المضاربات على العملة من جديد وعن امكانية عودة السوق السودالصرف العملات

فيا ترى ايه اللى حصل خلا الجنية يصمد فى وجه الدولار؟ومنع السيناريوالأسود ده ؟

قبل مانجاوب على السؤال ده .. لازم فى الاول نقول لحضرتك هو امتى سعر الدولار بيرتفع وامتى بينخفض بمعنى أصح ايه اسباب ارتفاع سعر العملة الأمريكية وايه أسباب انخفاضها.. والدولارسعره بيرفع لما الطلب عليه يزيد والمعروض النقدي منه يقل يعنى المستوردين والشركات وكمان الأفراديكونوا عاوزين يشتروا دولار والبنوك ميكنش معاها ولا قادرة توفر الكميات المطلوبة من العملة .. وبينخفض السعر لما يحصل العكس الدولار يكون متوفر والطلب عليه يقل .. وده بالظبط اللى حصل فى اخر كام يوم مع القلق الكبير اللى حصل فى الاسواق والبورصات العالمية عدد من المستثمرين  اصحاب روؤس الأموال الساخنة طلبوا يتخارجوامن السوق وياخدوا افلوسهم وده خلا فيه طلب متزايد على شراء العملة وهنا السعر بدأيرفع وكان ممكن الأمورتخرج عن السيطرة لولا ان فى الفترة الأخيرة حصلت وفرة فى  التدفقات الدولارية وكان على راسها تحويلات المصريين فى الخارج

ووفقا لبيانات اخيرة من البنك المركزي ارتفعت تحويلات المصريين العاملين بالخارج خلال يونيو اللى فات للشهر الرابع على التوالي بنسبة 65.9 % لتسجل نحو 2.6 مليار دولار مقابل نحو 1.5 مليار دولار خلال يونيو 2023.. وارتفعت  التحويلات بأكتر من الضعف عما كانت عليه قبل الإجراءات الإصلاحية اللي تم اتخاذها في 6 مارس 2024، وبلغت في فبراير 2024 حوالي 1.3 مليار دولار.

طب إيه تانى غير التحويلات ؟

طبعا فيه اسباب تانى واهمها زيادة الاستثمرات الأجنبية المباشرة اللى دخلت مصر الفترة الأخيرة ووفقا لتقرير حديثمصر اتحوذت على نصيب الاسد من الاستثمارات الأجنبية اللى دخلت قارة افريقيا فى 2024 ومتوقع زيادة حجم الاستثمارات دي الفترة الجاية مع التوسع فى تنفيذ برنامج الطروحات الحكومية وبيع حصص ممكلوكة للدولة فى بعض الشركات الحكومية

مش بس كده كمان الدولة مهتمة جدا بزيادة عوائد الصادرات للخارح وفيه خطة للوصول الى حلم ال 100 مليار دولاروفى الفترة اللى فاتت حصل تحسن ملحوظ فى التدفقات الدولارية من التصدير من قطاعات مهمة زي الصناعات الغذائية والبترول وفى نفس الوقت فيه خطة تانية لتوطين الصناعات ودي هتقلل الضغط على احتياطي الدولار وهتوفر الاف فرص العمل وكمان مستقبلا هتكون مصدر من مصادر العملة المهمة