أخطر 10 أيام في سوق الدهب.. أحداث هنقلب الأوضاع في الصاغة
يا ترى ليه ال 10 ايام الجايين هما الأخطر فى سوق الدهب؟ وليه التوقعات كلها رايحة فى سكة ان الدهب اسعاره هترفع بشكل مش طبيعي؟ وهل السعر العالمي للأونصة ممكن فعلا يوصل الى 3 الاف دولار ؟ ولو ده حصل الدهب عندنا فى مصر ممكن يوصل لكام؟
كل المهتمين بسوق الصاغة وأسعار الدهب قاعدين مستنين ايه اللى ممكن يحصل من دلوقتى لحد آخر شهر أغسطس وبيعتبروا ال 10 ايام الجايين هما الأخطر فى مستقبل الدهب خلال 2024 خصوصا وان فيه كلام كتير عن ارتفاع كبير جدا فى اسعار الدهب مع اتجاه بنك الاحتياط الفيدرالي لخفض أسعار الفايدة وتوقعات بلجؤ المستثمرين الى الدهب باعتباره الملاذ الآمن فى وقت الأزمات.
وفى الساعات الأخيرة وبعد موجة من الصعود عاد الهدوء إلى سوق الدهب في مصر مع اتجاه الأسعار إلى الانخفاض في جميع الأعيرة المتداولة.. بعد ما ارتفعت أسعار المعدن النفيس بصورة كبيرة جدا خلال آخر اسبوعين بأكتر من 4% مقابل زيادة بنسبة 0.8% في أسعار الدهب عالميا .. وخلال التعاملات الأخيرة انخفض سعر الدهب عيار 24 بحوالى 6 جنيه ليسجل 3977 جنيه للجرام..وسجل سعر الدهب عيار 21 حوالي 3480 جنيه للجرام. بينما بلغ سعر جرام الدهب عيار 18 نحو 2982 جنيه. واستقر سعر الجنيه الدهب عند مستوى 27880 جنيه.
وشهد سعر صرف الدولار في البنوك المصرية بعض التراجع بشكل تدريجي ليجري تداوله بنهاية تعاملات الأسبوع عند متوسط سعر 49 جنيهًا لكل دولار، وهو ما ساهم في استقرار الأسعار بالسوق المصرية.
وساهم انخفاض سعر أونصة الدهب عالميا في تراجع سعر الدهب فى مصر ولكن تأثير حركة السعر العالمي على تسعير السعر المحلي تراجع في الفترة الأخيرة بسبب التحركات في سعر صرف الدولار اللى بتعتبر واحدة من أهم محددات السعر العملة الأمريكية فى مصر.. وفي تصريحات أخيرة أكد رئيس شعبة الذهب باتحاد الغرف التجارية هاني ميلاد، إن الدهب بيسجل حاليًا ارتفاعات جديدة من نوعها بأرقامغير مسبوقة.. وقال إن سعر الأوقية سجل 2470 دولار وهي أرقام ما وصلش ليها الدهب قبل كده وان الزيادات العالميةب تنعكس بطبيعة الحال على سوق الدهب في مصر.
طب ايه سبب ارتفاع اسعار الدهب فى السوق المحلي ؟
فيه أكتر من سبب للزيادات الكبيرة فى سعر الدهب أهمها زي ما قولنا لحضراتكم سعر صرف الدولار بالاضافة كمان الى زيادة الطلب على شراء الدهب مع حرص كتير من المصريين على حفظ قيمة مدخراتهم فى الدهب.. وعشان كده فيه مطالب مؤخرابعودة مبادرة إعفاء الدهب من الجمارك لزيادة المعروض من والحفاظ على توازن الأسعار في السوق المحلية.
وكانت الحكومة أطلقت مبادرة لإعفاء الدهب الوارد مع الوافدين من الجمارك والرسوم السنة اللى فاتت وده ساهم في نزول كبير في الأسعار اللي كانت سجلت مستويات قياسية وتاريخية.. وبتشير البيانات إلى استمرار ارتفاع مشتريات المصريين من المشغولات الدهبية خلال الربع التاني من 2024 مقارنة بالربع الأول، على الرغم من تراجعها خلال الربع التاني على أساس سنوي.
ووفق البيانات الصادرة عن مجلس الدهب العالمي بلغت مشتريات المصريين من المشغولات حوالي 6.8 طن خلال الربع التاني من 2024، بزيادة بلغت نسبتها 2% على أساس سنوي.. وعلى الرغم من ارتفاع مشتريات المصريين في الربع التاني على أساس سنوي، لكنها جاءت أقل من المشتريات المسجلة في أول 3 شهور من العام والبالغة حوالى 8 طن بحسب التقرير الفصلي لمجلس الذهب العالمي.
وتراجع حجم مشتريات المصريين من الذهب خلال الربع الثاني من عام 2024 بنسبة 16% ليصل إلى 14.4 طن من الذهب مقارنة بنحو 17.1 طن خلال الربع الثاني من العام الماضي.
وأشار مجلس الذهب العالمي إلي أن مشتريات السبائك والعملات الذهبية خلال الربع الثاني 2024 في مصر سجلت 7.6 طن منخفضة بنسبة 27% بالمقارنة مع مشتريات الربع الثاني 2023 التي كانت عند 10.4 طن، بينما كانت مشتريات الربع الأول من هذا العام من السبائك والعملات الذهبية عند 5.2 طن.
