ليه الدهب مش هينزل في سنته ولا السنين اللي جاية.. شوف هذا الفيديو
ايه اللي بيحصل في سوق الدهب في العالم وجوه مصر وسر صرخة شعبة الدهب في الايام الاخيرة وليه المعدن الاصفر مش هينزل في الكام سنة اللي جايين وليه افضل وقت تشتري دلوقتي .. شوف الفيديو دا للأخر وهتعرف التفاصيل
مشكلة الدهب وميزته في نفس الوقت انه معدن نادر وإنه المعدن الوحيد اللي بيدخل في الاحتياطي النقدي للدول وبيحل محل العملات وخاصة الدولار يعني الدهب بيتعامل في البنوك المركزية معاملة الفلوس بالظبط وعشان كده البنوك المركزية بتحسبه ضمن الاحتاطي النقدي بتاعها.
طيب التقارير الدولية بتقول ايه على مصير الدهب دلوقتي؟
أكيد كلنا متابعين اللي بيحصل في سوق الدهب العالمي وكمان عندنا في الصاغة وشفنا القفزات الكبيرة في الاسعار والحقيقة دا ليه اسباب كتيرة جدا منها أسباب منطقية ووراد تحصل في السوق زي الحروب والصراعات والعقوبات الدولية والكوارث الطبيعية والأزمات المالية العالمية ودي كلها حاجات بتأثر على سعر الدهب بالسلب وترفعه بشكل كببير لأن الطلب وقتها عليه بيزيد لانه وعاء او ملاذ آمن للدول والشركات والافراد كمان ولأن المعروض من المعدن الاصفر يادوب بيقضي الطلب العادي خاصة مع الصعوبات اللي اعلنت عنها شراكات التنقيب عن الدهب في الفترة الاخيرة وكل دا بيخلي اي ارتباك في الاسواق العالمية بيأثر مباشرة على سوق الدهب..
كمان فيه حاجة تانية غير العوامل اللي قلنا عليها خلت ولسه هتخلي سعر الدهب يرفع أكتر مش اليومين دول بس لا دا كمان على مدار الشهور الجاية وامكن السنين كمان وهي الحرب على الدولار واتجاه دول كتير لشراء المعدت الاصفر بكميات كبيرة ومنها أكتر من 20 بنك مركزي عالمي يتقدمهم المركزي الصيني قرروا زيادة مشتريات الدهب في خلال الفترة دي والشهور الجاية ودا لاستبدال الدهب بدل العملة الامريكية ودا طبعا هيضعف الدولار لأعلى نسبة وفي نفس الوقت هيشعل سوق المعدن النفيس عشان زي ما قلنا المعروض منه ثابت ولما الطلب عليه هيزيد هتبقي مشكلة كبيرة جدا..
طيب ليه البنوك المركزية عاوزة تزود الاحتياطي بتاعها من الدهب على حساب الدولار؟ .. زي ما قلنا في اتجاه شديد لاقتناء المعدن عن العملة الامريكية ودا بسبب الصراع الاقتصادي بين الصين وروسيا من ناحية وبين الولايات المتحدة من ناخية واستخدام الاحيرة للدولار لفرض عقوبات علي بكين وموسكو ومن هنا بدأت دول كتير تقلل اعتمادها على الدولار لصالح الدهب وفي نفس الوقت زيادة التوقعات بخفض مجلس الاحتياطي الفدرالي الامريكي أو المركزي الامريكي لسعر الفايدة دا لوحده مشكبة كبيرة لأنه بيرفع الدهب من غير أي عوامل تانيةة
القصد إن كل الظروف دلوقتي خلت الدهب المطلوب رقم واحد في العالم دلوقتي ولسه الطلب عليه هيزيد جدا ولدرجة ان التوقعات بتقول ان سعر الاونصة هيعدي ال3000 دولار في كام شهر اللي جايين من متوسط مستوى 3400 دولار دلوقتي ودا طبعا هيكون ليه تأثير مباشر على الاسعار في السوق المصري بسبب الاسعار العالمية وعشان كده شعبة الدهب في مصر طلبت من الحكومة اعادة العمل بمبادرة اعفاء الدهب القادم مع المصريين بالخارج من الرسوم والجمارك لزيادة المعروض من الدهب والسيطرة على الاسعار.
وعشان كده لسه بنقول إن لسه فيه فرصة لو بتفكر تستثمر في الدهب لان كل ماتشتري بدري مكسبك هيزيد أكتر وكل ما تستني هتندم.
