سوق السيارات وقصة الـ 400 مليار دولار صادرات
إيه حكاية صناعة السيارات وقطع غيارها في مصر وهل ممكن يبقى عندنا صناعة ونصدر زي الدول المتقدمة وإيه حكاية ال400 مليار دولار واللي ممكن نحققها في سنة.. تابعونا لأخر الفيديو
عشان تعرفوا إن أي تأخير في قرارات اقتصادية ممكن يدمر أي بلد ويخليها متخلفة عن غيرها ويرجعها 100 سنة لورا ودا اللي حصل في مصر واللي بدأت مع كوريا الجنوبية واليابان والهند وبوغسلافيا وشوف الدول دي وصلت فين واجنا لسه قاعدين فين ودا بسبب غياب إي فكر اقتصادي طموح وخطط صح لكل قطاعات الدولة النهاردة كوريا الجنوبية بتصدر بحوالي 400 مليار دولار من قطاع صناعة السيارات لوحده وغير بقية صادراتها من المنتجات التانية.
مش هنبكي على اللبن المسكوب لكن احنا وصلنا فين دلوقتي في موضوع صناعة السيارات ولوازمها؟
شوف تقريبا مصر معندهاش صناعة سياراات بالمعني الحقيقي وبتعتمد على صناعة التجميع يعني السيارة تيجي على اجزاء ويتم ربطها في مصانع بمصر ودا عشان الشركات المصنعة توفر فلوس الجمارك ورسوم الواردات الكبيرة لانها بتدخل منتجها من السيارات على أساس منتج غير كامل التصنيع.. ولأن صناعة السيارات وقطع غيارها بيعتبر صناعة معقدة جدا رغم التقدم التكنولوجي ودا لأن تكنولوجيا التصنيع بتحتكرها الشركات العالمية يعني مرسيدس ليها تكمولوجيا خاصة بيها صرفت عليها مليارات الدولارات وتويوتا اليابانية نفس الوضع وغيرها في كل الشركات المشهورة واللي بينهم منافسة قوية جدا على التطوير والتحديث والتكنولوجيا المستخدمة وعشان كده بنشوف موديلات احدث من بعض في كل سنة تصنيع وكل شركة ليها حاجة بتميزها في العربية بتاعتها.
ورغم إن الموضوع صعب عشان نكون صرحاء مع بعض لكن مصر بردوا مش هتبدأ من الصفر وكان عندها قلاع في صناعة السيارات ومين ينسى النصر للسيارات واللي دمرها الإهمال في الستينيات والسبعينات وكمان عندنا تكنولوجيا تصنيع الاتوبيسات في مصانع مصرية وصدرنا منها لبريطانيا وأوروبا يعني باختصار مش هنبدأ من الصفر لكن عشان يكون عندنا صناعة سيارات قوية وكبيرة لازم نطبق اللي عاوز يعمله كامل الوزير وهو إنه ينقل ويتعاون في البداية مع الشركات العالمية ويوطن صناعة السيارات لغاية مايتم تمصيره بشكل كامل ودا حصل وبيحصل دلوقتي وبدأنا نصنع فعلا قطع غيار السيارات زي الكاوتشوك ودي صناعة لاتقل اهمية عن صناعة السيارات بمقارنة حجم المبيعات السنوية منها على مستوى العالم.
الخلاصة عشان يكون عندك صناعة سيبارات لازم يكون عندك صناعات مغذية وتكنولوجية وأبحاث وتطوير وقاعدة صناعية ضخمة وخطة تسويق وإرادة إن يكون فيه ماركات عربيات باسم مصر وتتعرف بيها زي ما ألمانيا مشهورة بالمرسيدس واليابان بتوتويتا والجيب الامريكي .. وقتها نقدر نصدر لأسواق كتير في افريقيا واسيا وكمان ونقدر نصدر زي كوريا الجنوبية ورقم 400 مليار دولار مش صعب ولامستحيل بدليل إن دول كتير حققته ومعندهاش نفس الامكانيات في المواني وخطوط التجارة ولا الاسواق الكبيرة.
أظهرت بيانات اليوم الأحد أن قطاع السيارات هو أحد القطاعات التى قادت صادرات كوريا الجنوبية في الربع الثاني من 2024، وفقا لوكالة يونهاب.
وتوقعت جمعية السيارات والتنقل الكورية أن تصل مبيعات السيارات في الخارج إلى 375 مليار دولار في النصف الثاني، بزيادة 6.5% عن نفس الفترة من العام الماضي، وذلك بفضل الطلب القوي على المركبات الصديقة للبيئة والرياضية الكورية في سوق أمريكا الشمالية.
