متشطبة سوبر لوكس.. فرصة العمر للحصول على شقة في أحسن مواقع مصر

 
عاوز تشترى شقة ومش معاك فلوسها أو مش لاقي شقة محترمة في مكان كويس؟ نفسك تسكن في مدينة نصر أو حتى في عواصم المحافظات المصرية ومش عارف؟ معاك 15% من تمن الشقة اللى بتدور عليها وعاوز تقسط الباقي؟ .. لو انت واحد من الناس دي لازم تشوف الفيدو ده للآخر
 

 
النهاردة هيعلن صندوق التنمية الحضرية التابع لمجلس الوزراء، فتح باب الحجز والتقديم على مرحلة جديدة من شقق مشروع تطوير عواصم المحافظات داره.. وبتتوزع الوحدات المقرر طرحها بمحافظات: السويس، القاهرة، القليوبية، سوهاج، الفيوم، المنيا، الشرقية، كفر الشيخ، والدقهلية.

ووفقا للبيانات الرسمية والأرقام المعلنة بتتراوح مساحات شقق مشروع داره بين 78 و127 و179 متر بمستويات تشطيب سوبر لوكس تناسب احتياجات الإسكان فوق المتوسط والاستثماري.
وحدد صندوق التنمية الحضرية، أكتر من طريقة لسداد قيمة الوحدة من خلال سداد 15% مقدم حجز من ثمن الوحدة، وتقسيط باقي تمنها  على 5 سنين  بدون فوائد وبأقساط متساوية وبيتيح الصندوق كمان شراء الوحدات السكنية بنظام التمويل العقاري وفقا للبروتوكول الموقع مع البنك الأهلي المصري.

وخصص صندوق التنمية الحضرية رقم خط ساخن للمشروع، هو 15444؛ بهدف تسهيل تواصل المواطنين الراغبين في الحجز للاستفسار والاستعلام عن كل ما يتعلق بالمشروع، بما فيها أنظمة الدفع وتسهيلاتها.

طب الشقق اللى هيتم طرحها موجودة فين؟ 
في محافظة القاهرة بتتوزع الشقق على مناطق: المعصرة، ومدينة نصر، والخيالة؛ وبيتضمن نطاق المشروع في منطقة المعصرة 9 عمارات سكنية، تُقام على مساحة 10 أفدنة، بعدد أدوار أرضي + 9 أدوار متكررة لكلِ عمارة، بواقع 8 شقق في كل دور، وبيصل متوسط مساحة الوحدة السكنية إلى 113 متر وبتشمل الخدمات في المنطقة وجود 30 محل تجاري مختلِف الأنشطة.
وبالنسبة لمنطقة مدينة نصر، فيمتلك الصندوق 54 عمارة سكنية بعدد أدوار أرضي + 11 دور متكرر لكلِ عمارة، وبكل دور 4 شقق ، وتبلغ مساحة الشقة نحو 182 متر وبيضم المشروع العديد من الخدمات اللى ب يحتاجها السكان  ومنها: مسجد، ملاعب رياضية، محلات تجارية، جراجات سطحية وبدروم، وخدمة غرف جمع القمامة وفصلها.

وهيطرح الصندوق كمان في محافظة القاهرة شقق بمنطقة الخيالة عبارة عن 42 عمارة سكنية، بعدد أدوار أرضي + 9 أدوار متكررة لكلِ عمارة، بواقع 6 شقق  في كل دور، ومتوسط مساحة الوحدة يبلغ حوالي 78 متر.
وكان صندوق التنمية الحضرية التابع لرئاسة مجلس الوزراء، أعلن في وقت سابق فتح باب بيع مشروع فسطاط فيو في قلب القاهرة التاريخية.. وبيضم مشروع فسطاط فيو وحدات سكنية وتجارية وإدارية على مساحة 30 فدان باجمالى  قرابة 14212 شقة  سكنية بمساحات متنوعة تبدأ من 142 لـ 289 متر مربع، بحجم استثمارات يقدر بـ 6 مليارات جنيه.

المشروع بيضم كمان خدمات تجارية وترفيهية ومناطق للأطفال وجراجات وشقق فندقية وملاعب بادل، بالإضافة إلى إسناد المشروع لشركة متخصصة في الإدارة.