بعد رفع أسعار البنزين.. مفاجأة سارة من الحكومة للمواطنين
يا ترى إيه المفاجأة اللي بتجهزها الحكومة للمواطنين بعد رفع أسعار المحروقات يوم الخميس اللي فات.. هل هتبقى مرتبطة بخفض للأسعار ولا بالدعم ولا بحاجة تانية.. هنقولك كل التفاصيل في التقرير ده.
طبعا كلنا عارفين، إن الاقتصاد المصري بيواجه دلوقتي سلسلة من التحديات اللي تسببت فيها ظروف كتير، وكان آخرها حالة عدم الاستقرار في منطقة البحر الأحمر خصوصا الصراع اللي على حدودنا الشمالية الشرقية ومن قبلها استمرار الصراع الروسي الأوكراني، كل العالم اتأثر بالظروف دي ومن بيتها مصر، عشان كده ارتفعت أسعار السلع الأساسية وزاد التضخم.
ومؤخرا وتحديدا يوم الخميس اللي فات، قررت الحكومة تحريك الأسعار المحروقات بمقدار يتراوح بين 10% و15% إضافية،ولكن دلوقتي الحكومة بتحاول بقدر المستطاع تقليل الأعباء على المواطنين، واللي بيتمثل في تقديم الخدمات والبرامج الاجتماعية.. طب يا ترى عملت إيه؟
ووفق ما أعلنته الحكومة، فهي دلوقتي بتستهدف العمل على تحقيق معدلات نمو احتوائية مدعومة من القطاع الخاص للسيطرة علي الأوضاع الاقتصادية بما في ذلك مواجهة الموجات التضخمية، وتقليص معدلات الفقر وزيادة فرص العمل لتحريك قوى الإنتاج والحد من البطالة، مع الاستمرار في تمكين الفئات الأولي بالرعاية، والتركيز على المشروعات الصغيرة والمتوسطة ومتناهية الصغر والصناعات التحويلية.
كمان، الحكومة بتسعى دلوقتي، للاستمرار في سياسات التسعير العادل والسليم للسلع والخدمات والتأهب لأي اضطرابات مفاجئة في إمدادات السلع الأولية وتعزيز شبكات الأمان الاجتماعي وضمان فعالياتها للفئات الأولى بالرعاية.
ورفعت الحكومة من حجم الإنفاق العام علي مخصصات الدعم السلعي في الموازنة الجديدة، بمقدار 46 مليار جنيه علي أساس سنوي ليصل إلي 297.7 مليار جنيه خلال العام المالي الجاري مقابل 251.7 مليار جنيه بنهاية العام المالي الماضي من إجمالي 635.943 مليار جنيه تم إدراجها هذا العام لمصروفات الباب الرابع والمعني بالدعم والمنح والمزايا الاجتماعية.
ضيف على ده، إن الحكومة كمان رفعت من حجم الإنفاق على الدعم البترولي بقيمة 35.1 مليار جنيه لتصبح 154.5 مليار جنيه خلال العام المالي الجاري مقارنة بـ 119.41 مليار جنيه، بينما تم توفير مبلغ 134.15 مليار جنيه لدعم السلع التموينية "الخبز والمواد التموينية" خلال العام المالي الجاري بزيادة تبلغ 6.45 مليار جنيه عن العام المالي الماضي.
وقررت تخصص المبالغ دي لدعم 62.2 مليون مواطن وتوفير الخبز لنحو 69.9 مليون مواطن، وبكده نقدر نقول إن مساحة الدعم هتزيد والمواطن هيحس بفرق.
