زي تركيا وألمانيا.. كامل الوزير يضع خطة المحاور السبعة.. إيه اللي بيحصل في الصناعة

إيه اللي حصل  في وزارة الصناعة وإيه هي خطة كامل الوزير للنهوض بالصناعة المصرية وهل ممكن نبقي زي المانيا أو حتى تركيا في الصناعة وليه جاب كل الوزارا في الاجتماع المهم.. تعالوا نشوف ايه اللي حصل نهاردة تابعونا في الفيديو ده للاخر

من ساعة الفريق كامل الوزير ما مسك ملف الصناعة وفيه تحرك حقيقي في الوزارة وخطط واجتماعات وشغل على الاراض وزيارات والاهم فيه خطط استراتيجية بتتحط دلوقتي لكل ملفات الصناعة المصرية ومشكلاتها من أول المصانع اللي واقفة ومتعثرة لغاية المراكب اللي يتستورد المواد الخام، والوزير جاي وفي ايده ملف مهم من الرئيس السيسي شخصيا واللي قاله فيما معنها زي ما قلبت الدنيا في النقل والطرق والمحاور والمواني والسكة الحديد وخليت تصنيف مصر ال18 عالميا في جودة الطرق والخدمات عايز دا يتكرر في ملف الصناعة وإن مصر يكون عندها صناعة قوية وكبيرة ومتطورة وتكون هي قاطرة التنمية الحقيقية في مصر بعيدا عن اي قطاع تاني ممكن يتأثر بالظروف اللي حوالينا.
كامل الوزير جاي برؤية كاملة للصناعة المصرية من قبل حتى مايحلف اليمين وده لأنه أول وزير يمسك النقل ويقرر يوطن صناعة مهمات ومتستلزمات قطاع النقل بدل الاستيراد من بره ووفر ملياارت الدولارات  ودلوقتي جي الدور على وزارة الصناعة عشان تقوم بدورها وتأسس صناعة قوية وترفع شعار صنع في مصر بجد.

النهاردة الفريق مهندس كامل الوزير نائب رئيس مجلس الوزراء للتنمية الصناعية وزير الصناعة والنقل ترأس الاجتماع التاني للمجموعة الوزارية للتنمية الصناعية، وحاب وزراء كتير للاجتماع ده وهي المجموعة اللي عملها كامل الوزير للوزرا اللي وزراتهم ليها علاقة بملف الصناعة زي بوزيرة البيئة، ووزير الدولة للإنتاج ووزير الكهرباء والطاقة المتجددة، وكمان وزيرة التخطيط والتنمية الاقتصادية والتعاون الدولي، وزيرة التنمية المحلية، ووزير الإسكان والمرافق والمجتمعات العمرانية، و وزير قطاع الأعمال العام، ووزير الاستثمار والتجارة الخارجية، ومعاهم وزير البترول والثروة المعدنية وكمان رئيس الهيئة العامة للمنطقة الاقتصادية لقناة السويس، ورئيس الهيئة العربية للتصنيع، وممثلي وزارتي الدفاع والداخلية والدكتورة ورئيس الهيئة العامة للتنمية الصناعية، إلى جانب المختصين من الوزارات والجهات المعنية.

وفي بداية الاجتماع كامل الوزير قال لزمايله إنه  من ساعة ما مسك وزارة الصناعة إلى جانب النقل ذاكر كويس كل المشاكل في القطاع الصناعي وتم وضع خطة شاملة لتطوير القطاع الهام ده واعتمدت على 7 محاور أولها وأهمها ترشيد الواردات وتوفير احتياجات السوق المحلية ومستلزمات الإنتاج من خلال تشجيع المصنعين المصريين وجذب مستثمرين عالميين، وكمان زيادة القاعدة الصناعية بغرض زيادة الصادرات وخاصة الصناعات الخضراء والإلكترونية، بالإضافة إلى الاهتمام بتحسين المواصفات الفنية للصناعة المصرية.
وشملت محاور خطة الوزير التصديق الفوري لإعادة التشغيل ومساعدة المصانع المتعثرة وزيادة حجم النشاط وزيادة الطاقة الإنتاجية، وكمان تقديم الدعم الفني للمصانع من خلال مساعدتها في الحصول على شهادات المطابقة الدولية، وتشغيل العمالة لخفض معدلات البطالة، بالإضافة إلى الاهتمام بتدريب وتأهيل القوى البشرية والعمالة الفنية من خلال الجهات التدريبية التابعة للوزارة والمراكز البحثية والجامعات المصرية للارتقاء بمستواها مما ينعكس على جودة الصناعة وتصديرها للخارج لجلب العملة الصعبة.
دي كانت روشتة عاجلة وخطوط عريضة للنهوض بالقطاع الصناعي وبعدها فيه انطلاقة كبرى جاية في الطريق لأن خطة السبع محاور دي عبارة عن تصحيح أوضاع غلط في ملف الصناعة لكن لسه مدخلناش في الجد.