خطة شياطين.. شركات الأدوية تضرب التسعيرة الجبرية للدواء بحيلة التقسيط

غلاء الأدوية واللي أصبح عب كبير جدا علي المرضي والأهالي واللي للاسف الدولة لحد اللحظة دي مش عارفة توقفه بسبب الارتفاع المتتالي لسعر الدولار مقابل الجنية المصري..  لكن مؤخرا الصيدليات طرحت فكرة لزيادة البيع وتحقيق مكاسب أكثر يا تري اية هيا الفكرة دي وتأثيرها اية علي بيع الأدوية.

 
لو انت مريض أو لو عندك حد مريض لاقدر الله مش هقدر تتأخر عنه حتي لو هتبيع كل ما تملك، رغم الزيادة الرهيبة في أسعار الأدوية بسبب التغيرات الكتيرة اللي حصلت في سعر الدولار مقابل الجنية المصري، خصوصا أو اغلب المنتجات اللي بتدخل في صناعة الدواء بتكون مستوردة وبالتالي الشركات بتشريها بالدولار من الخارج .
طيب اية اللي عملته شركات الأدوية علشان تحقق اعلي مبيعات في السوق؟.
شركات الأدوية والصيدليات مؤخرا عملوا فكرة وهيا بيع الدواء بالتقسيط خصوصا أن مفيش اي روشتة أو تشخيص الدكتور بيكتبه الا لما يكون سعره معدي ما يقارب من 500 جنية وطبعا لي روشتات ووصفات طبية بتكون معدية ارقام كبيرة .
حكاية بيع الأدوية بالتقسيط بعض شركات الأدوية رفضتها وقدمت مذكرات لهيئة الدواء وقالت إنها تهديد لسوق الدواء وتحايل على التسعيرة الجبرية وهتفتح الباب قدام تطبيقات بيع الأدوية المغشوشة والمنتشرة في الأسواق وهيتم توصيلها للمواطنين بدون ما المريض يتأكد منها وهل هيا مضبوطة ولا لا خصوصا أنها بتوصل للمواطن لحد البيت بدون ما يعرف مصدرها اية .

شركات الأدوية قالت كمان أن فكرة بيع الأدوية بالتقسيط هيكون إليها اقبال كبير جدا من المواطنين خصوصا في ظل الأسعار الكبيرة جدا واللي وصلت لها أسعار الأدوية حاليا،. اغلب المواطنين هيتجهوا لشراء الأدوية بالقسط خصوصا انها هتسهل علي المواطنين دفع الفلوس واللي طبعا هتكون بالتقسيط وقالوا إن الفكرة دي هخلي الصيدليات تقفل خصوصا أن مش هيكون عليها اقبال .
نقابة الصيادلة، قالت إن بيع الدواء بالقسط هيكون انهيار مهنة الصيدلة بشكب كامل خصوصا في القري والمحافظات واللي معرف عنهم أن نسبة كبيرة من الأدوية اللي بيبعهوا بتكون شكك.
طيب ازاي شركات الأدوية هتبيع الأدوية بالقسط، وازاي المواطن يقدر يتعامل بالطريقة دي ويشتروا الأدوية اللي هو عايزها ؟.
مؤخرا شركات الأدوية عملوا تطبيقات علي الهواتف المحمولة ويقدر المواطن يدخل عليها ويطلب الأدوية او يرفع الروشتة اللي الدكتور كاتبها ويقدر كمان يعرف المبلغ أو القسط اللي هيدفعه شهريا وكمان يقدر يطلبها اون لاين وهتوصله لحد باب البيت، وطبعا بيكون سعرها اعلي شوية من سعر البيع الكاش واللي اللي اعتبرته هيئة الدواء أنه تحايل علي التسعيرة الجبرية اللي أقرتها هيئة الدواء خصوصا أنها وسيلة من الصيدليات وشركات الأدوية لبيع الادوية باعلي من سعرها الاصلي.
شركات الأدوية اللي طالبت ولسه بتطالب بزيادة سعر الأدوية وطبعا الحجة بتاعتهم جاهزة واللي هيا أن كل منتجات اللي بتدخل في صناعة الدواء بتكون مستوردة من الخارج وبالتالي الشركات بتشتريها بالدولار، واللي طبعا سعره اختلف بشكل كبير خلال السنين ثلاثة اللي فاتوا بسبب قرارات تحرير سعر الجنية المصري مقابل الدولار الأمريكي.