الذكاء الاصطناعي يعيد اكتشاف كنوز مصر.. إيه اللي بيحصل في السويس
ياترى إيه الجديد في تكنلوجيا تطوير واستخراج البترول والغاز وإزاي التكنولوجيا دي هتعيد اكتشاف الثروات المصرية المدفونة واللي لسه مصر ما اكتشفتهاش وهل ياترى الذكاء الاصطناعي هيكون هو الامل إن مصر تخرج من كل أزماتها .. خلونا نشوف التفاصيل في الفيديو ده
قبل عصر البترول في الخليج العربي كانت كل الدول بتعيش ظروف اقتصادية صعبة لمئات السنين لغاية ما تم اكتشاف بحور النفط اللي عايمة عليها دول الخليج وده مكنش هيحصل لو مكانتش اتعرفت طرق التنقيب عن البترول والغاز واستمرت في التطوير مع تقدم الابحاث والوصول لتكنولوجيا اكثر تطورا مع الزمن وأغلب الثروات في العالم خرجت بفضل التقدم المذهل في التكنولوجيا وللي بفت تستخرج المعادن والنفط من أعماق المحيطات ولسه كل يوم فيه تطور أكتر من التاني.
ايه الجديد طيب في موضوع التكنولوجيا ده وايه علاقة مصر بيه؟
شوف ياسيدي اخر ما توصل ليه العلم في اكتشاف وتطوير حقول النفط والغاز هي تكنلوجيا بتعتمد على الذكاء الاصطناعي المتقدم والجديد بقي إن التكنولوجيا دي جت مصر وبدأت في تطوير انتاج حقول البترول في السويس وحسب اللي اتقال التكنولوجيا الجديدة هتضاعف الانتاج وتزيد استمراريته.. وده اللي قالته شركة دراجون أويل، المملوكة بالكامل لحكومة دبي، واللي دشنت أول مشروع لتطوير حقلين بترول هما المرجان وبدري في خليج السويس وباستخدام تكنولوجيا الذكاء الاصطناعي.. وحضر تدشين المشروع قيادات وزارة البترول والشركة الاماراتية وقيادات من شركات بترول عالمية في مصر.
الشركة قالت إن هدف المشروع هو تعزيز الإنتاجية وتمديد عمر حقلي المرجان وبدري بشكل فاعل، بالإضافة إلى تحسين كفاءة العمليات والاستدامة البيئية، وان المشروع خطوة هامة نحو التحول الرقمي والابتكار في صناعة النفط والغاز المصرية... يعني باختصار كده فيه تكنولوجيا جديدة ظهرت هتكون سبب في اعادة اكتشاف حقول جديدة من البترول في الاراضي المصرية وكمان هتساهم في تطوير وزيادة انتاج مصر من الحقول اللي شغالة فعلا ودا في النهاية هيوصل مصر لوفرة في انتاج المواد البترولية واللي الدولة بتدفع فيها مليارات الدولارات في السنة عشان تستوردها وشفنا اللي حصل في الايام الصعبة اللي كانت بتقطع فيها الكهربا بسبب نقص وقود تشغيل المحطات.
طيب ليه بنقول إن التكنولوجيا دي هتقلب قطاع الطاقة في مصر والمنطقة؟
لأنه ببساطة مصر واقعة بين بحرين من البترول والغاز في الغرب ليبيا الغنية بالنفط وفي الشرق الخليج العربي واللي عايم على البترول زي ماقلنا ولأن تركيب التربة واحد حسب علماء الجيولوجيا فمصر في ثروات بترولية توزاي اللي موجود في الخليج العربي وليبيا لأن نفس التحول البيئي لنشأة البترول حصل في مصر من الاف السنين زي ما حصل في الخليج وليبيا.
