هيوفر مليار دولار سنويا.. شوف الدولة عملت اية في صناعة الأتوبيسات

 

الصناعة واحدة من اقوي الملفات الموجودة علي مكتب الحكومة الجديدة، خصوصا ان مصر عايزة ترفع فاتورتها التصديرية من الأنتاج وتقلل فاتورة الاستيراد.. يا تري مصر بتعمل اية علشان ترفع فاتورة تصديرها في الوقت الحالي
 

وزارة النقل والصناعة شغالة حاليا علي توطين اكثر من صناعة في الوقت الحالي علشان تكفي الطلب المحلي وكمان تصدر باقي الانتاج للخارج، واحدة من الحاجات اللي الدولة بتحاول فيها علشان توطن تصنيعها حاليا هيا صناعة الأتوبيسات واللي الدولة لحد فترة قريبة كانت بتستورد كميات كبيرة منها من الخارج وبفاتورة دولارية كبيرة جدا، وده واحدة من الحاجات اللي كانت بترفع فاتورة مصر الاستيرادية خصوصا ان مصر لحد شهور قريبة جدا كانت بتستورد اغلب الاحتياجات الداخلية اللي بتقدمها كخدمة للشعب المصري من الخارج.
طيب اية اللي بتعمله الدولة علشان توطن صناعة الأتوبيسات  في مصر؟.
مصر في الوقت الحالي واحدة من اهم واكبر الأسوق في مجال النقل الجماعى ومتوقع لها أنها تستوعب اعداد اكبر في السنين اللي جاية علي مستوى النقل الجماعي العادي أو النقل الجماعي الأخضر الصديق للبيئة، خصوصا في ظل ارتفاع أسعار السيارات الملاكي، وده حاجة خلت في اقبال كبير من المواطنين علي استخدام النقل الجماعي والاحجام عن شراء العربيات الملاكي.
مصر في الوقت الحالي بتمتلك أكثر من 10000 شركة للنقل الجماعين وكل الشركات دي حققت نجاحات كبيرة في السنين اللي فاتت زيادة الاقبال من المواطينن علي ركوب واستقلال اتوبيسات النقل العام، وتراجعت اسعار الصرف في الفترة الماضية خلي القيمة التنافسية للمنتجات المصرية ارتفعت عالميا الامر ودي حاجة فتحت أسواق خارجية عملاقة قدام الصناعات والمنتجات المصرية.
وعلشان نكون عارفين أن مصر في الوقت الحالي عندها نسبة كبيرة من التكنولوجية المستخدمة فى صناعة المينى باصات، وكمان عندنا مصانع بتغطى مالا يقل عن 60% من السوق المحلى، وحاليا الاستيراد بيوصل لـ 40% من احتياجات السوق من الخارج، وبالتالي مصر في الوقت الحالي قادرة علي التصدير للاسواق الخارجية.
التنوع الكبير اللي اضافته مصر لخطوط انتاج الاتوبيسات زي الاتوبيسات اللي شغالة بالكهرباء واللي شغالة بالغاز الطبيعى ده غير الاتوبيسات اللي شغالة بالوقود ، وغيرها من الانواع اللي موجودة في السوق المصري، وده بيأكد وجود مشتقبل للصناعة المصرية في الاتوبيسات، وعندها ميزة تنافسية عالمية وهى انخفاض اسعار العمالة المصرية واللى بتصب فى صالح الصناعة المصرية 
خبراء الصناعة قالوا أن مصر هتوفر ما يقرب من المليار دولار سنويا  كانت بتخصصهم لاستيراد الباصات وقطع الغيار اللازمة ليها من الخارج سنويا، وده بيعني تقليل الضغط على العملة الأجنبية وهيساعد فى توفيرها لاحتياجات تانية وبالتالي هيساعد علي التوفير في الفاتورة الدولارية لمصر من الخارج .