ايه حكاية الـ1000 كوبري ومحور الجديدة.. كامل الوزير بيعمل إيه
هو إيه حكاية الـ1000 كوبري والمحاور الجديدة اللي كامل الوزير بيخطط يعملها وهل الكباري الي اتعملت مش كفاية وايه اللي بتخطط ليه الحكومة في السنين الجاية.. تابعونا في الفيديو ده وهتعرفوا التفاصيل .
من ساعات ومواقع التواصل الاجتماعي بتتكلم عن خطة وزارة النقل لبناء الف كوبري ومحور جديد في مصر والناس سألت هي البلد محتاجة كباري ومحاور وطرق تاني.. تعالو الاول نشوف اللي اتقال وبعدين نشرح ايه الحكايه.
الاخبار بتقول إن الحكومة المصرية بتستهدف إنشاء ألف كوبري ونفق على شبكة الطرق لحل أزمة الاختناقات المرورية، بحسب برنامج العمل الحكومى ويشمل المخطط إنشاء 35 محور جديًد على النيل في صعيد مصر والوجه البحري وقالت كمان إن إنشاء محاور النيل يهدف إلى ربط شبكة الطرق شرق وغرب النيل من خلال إنشاء محور عرضي تنموى متكامل وتقليل المسافات البينية بين المحاور إلى 25 كيلو متر بما يساهم في خطة التنمية الشاملة لقطاعات الدولة المختلفة ومن ضمن المستهدفات الوصول بمصر في مؤشر جودة الطرق إلى التقدم اكتر في مؤشر جودة الطرق العالمي بحلول 2026-2027 وقال الخبر إن المخططات الجديدة ضمن المشروع القومى للطرق البي بيهدف إلى ربط شبكة الطرق بخطط التنمية ومردوده الإيجابي المتمثل في توفير مبلغ 8 مليارات دولار سنويًا من تمن المحروقات نتيجة الاختناقات المرورية.
لغاية هنا خلص الخبر لكن لسه فيه تفاصيل كتير بين السطور محدش خد باله منها والأول بنسأل سؤال هو لولا شبكة الطرق الحديثة اللي اتعملت كان هيبقى فيه استثمار ولا رأس حكمة ولا ساحل شمالي ولا مدن ومجتمعات عمرانية وصناعية وحتى زراعية وكان هيبقي فيه استثمار من أصله وتنمية ومشروعات وتدفقات دولارية.. الإجابة كان مستحيل كل ده يحصل لو مفيش بنية أساسية كاملة وحديثة اتعملت لأنها هي عصب التنمية ومفيش مستثمر هيجي يشغل فلوسه عندك لو معندكش طريق يوصل بيه لمصنعه أو مشروعه ولا موانئ يصدر منها فلما يتم الإعلان عن استكمال لمشروعات البنية الأساسية في مناطق جديدة أو في المناطق الموجودة فدا معناه تنمية جديدة ومستدامة ومزيد من الاستثمارات الأجنبية المباشرة وغير المباشرة يعني الدولة بتعمل لسنين قدام للانطلاق بالاقتصاد.
يعني الطرق والكباري اللي اتعملت مش كفاية؟.. هنقول لحضرتك إنه في دولة بتسعة للتقدم والقفزات الاقتصادية واللي المفروض هتكون سابع اقتصاد في العالم بحلول 2075 واقوى اقتصاد في المنطقة بما فيها اقتصاديات الخليج الفنية في سنة 2050 حسب تقارير دولية محترمة كل المشروعات اللي اتعملت مش كفاية ومصر بتفكر تكون قوة اقتصادية عالمية فطبيعي يكون فيه تنمية مستمرة وكبيرة ومشروعات تساعد في الانطلاق الاقتصادي الكبير وده اللي بيفكر فيه كامل الوزير واللي مش عاوز يعمل بنية أساسية وصلت للمركز ال18 عالميا في جودة الطرق والمحاور وفق مؤشرات الجودة الدولية عشان نقعد عليها ونسكا لكن بيفكر في فتح شرايين جديدة للتنمية الاقتصادية والاستثمار والتصنيع والزراعة والتجارة واللي من غير طرق ومحاور وكباري مش هتستمر لأن مصر بتخطط لسنين لقدام وعندها رؤية 2030 لازم هتنفذها.
