الأربعاء 24 يوليو 2024
رئيس التحرير
عمرو عامر
المشرف العام
عبدالعظيم حشيش
اقتصاد مصر

انخفاض متوقع في اسعار العقارات.. والوافدين السبب

الأحد 07/يوليو/2024 - 03:30 ص
العقارات
العقارات


 


دخول الوافدين لمصر في الشهور اللي فاتت عمل شوية ازمات كبيرة في مصر خصوصا في السلع اللي بتوفرها الدولة للمواطن المصري زي رغيف العيش والسلع الاساسية من زيت وسكر وخلافه، ده غير الارتفاع الكبير اللي حصل في اسعار الشقق السكنية والايجارات ولكن دلوقتي في مفاجات هتحصل خصوصا بعد قرارات الدولة بتنظيم دخول ومغادرة غير الحاصلين علي الاعتمادات الامنية اللازمة للبقاء في مصر.. يا تري اية االي بيحصل في ملف الوافدين 

مصر علي مدار شهور طويلة استضافت اعداد كبيرة من الوافدين من دول كتيرة حول العالم زي السودانيين واليميين والسوريين وغيرهم من مختلف جنسيات العالم،؟ خصوصا ان مصر هي الحضن المفتوح لاي وافد ، وهما في مصر بيحس أنه عمره ما كان غيرب عن بلده وأنه موجود وسط ناسه واهله من المصريين واللي عمرهم ما فرقوا بين مصر وغير مصري ولا عمر المصري كان عنده تفرقه علي اساس العرق أو الدين وطول عمرهم شعب معروف بالطيبة وكرم الضيافة.
الاعداد الكبيرة اللي استقبلتها مصر علي مدار الشهور اللي فاتت، كان فيها نسبة كبيرة من الوافدين الغير رسميين واللي مش كان معاهم تصاريح الاقامة في مصر، وفعلا مصر اعتبارا من اول يوليو الجاري بدأت تنفيذ حملات لتقنين اوضاع الغير رسميين، وطالبت الوافدين باالتوجه للإدارة العامة للجوازات والهجرة والجنسية وتجديد إلاقامة والحصول على كارت الإقامة الذكي لضمان الاستفادة من كل الخدمات الحكومية المقدمة إليهم.
الحكومة المصرية دعت كل الأجانب المعفيين من سداد رسوم الإقامة بالتوجه برضوا للإدارة العامة للجوازات والهجرة والجنسية لتسجيل بياناتهم والحصول على بطاقة الإعفاء، خضوضا أنه هيتم إيقاف التعامل والخدمات المقدمة للأجانب المعفيين من تراخيص الإقامة واللي لسه مشتخرجوش بطاقات الإعفاء من الإدارة العامة للجوازات والهجرة والجنسية بعد انتهاء المهلة اللي اقرتها الدولة المصرية واللي انتهت  بنهاية شهر يونيو اللي فات .
طيب اية اللي هيحصل في مصر بعد قرار الإدارة العامة للجوازات والهجرة والجنسية لتقنين أوضاعهم وتجديد إقاماتهم والحصول على كارت الإقامة الذكي؟.
كل خبراء العقارات اكدوا ان اسعار العقارات في مصر هتنخفض بشكل كبير في الايام اللي جاية خصوصا بعد قرار الأدارة العامة للجوازات والهجرة بتقنين أوضاع الوافدين خصوصا من السودان واليمن وسوريا، واللي لهم اعداد كبيرة جدا منهم مقيمين هنا باوضاع غير قانونية، خصوصا ان اعدادهم في مصر بقت كبيرة وبتوصل لملايين.

الخبراء كملوا كلامهم وقالوا ان دخول العديد من الجنسيات لمصر في السنين اللي فاتتع تسبب في ارتفاع كبير في اسعار الخدمات والعقارا واللي اسعارها وصلت في بعض المناطق لارقام فلكية ده غير اسعار الايجارات واللي وصلت لارقام كبيرة جدا، وللاسف الاسعار دي بقت غالية جدا علي المصريين، ونصحوا المواطنين اللي عايزين يشتروا عقارات بالتاني في الشراء خصوصا ان هيحصل انخفاض كبير في الاسعار في الفترة اللي جاية وده بسبب ان في نسبة كبيرة من الوافدين دول هيتم ترحيلهم علي بلادهم بسبب وجودهم في مصر بصفة غير قانوية