الإثنين 22 يوليو 2024
رئيس التحرير
عمرو عامر
المشرف العام
عبدالعظيم حشيش
اقتصاد مصر

صراع البراندات وازاي مصر هتبقي مركز تصنيع أوروبي في المنطقة

الأحد 30/يونيو/2024 - 05:30 ص
الدولار
الدولار

 
 
العالم كله بيطور طرق الاستثمار عنده واللي مبقاش تصنيع وتصدير وتجارة بس لكن بنقل الصناعات لدول تانية تكون قاعدة للانطلاق للاسواق وتوفر في تكلفة الشحن والنقل والسرعة.. ايه اللي بيحصل في مصر اليومين دول وليه أوروبا مهتمة جدا بنقل صناعاتها واستثماراتها الضخمة لمصر و تحويلها لمركز للصناعة بتوطين الصناعة والاستثمار فيها وير الاهتمام الاوربي بمصر تحديداً.. كل ده هنعرفه مع حضراتكم في الفيديو ده .


 
لو فاكرين في مارس اللي فات فيه وفد أوروبي رفيع المستوى زار  مصر، ضم رئيسة المفوضية الأوروبية، أورسولا فون دير لاين، بالإضافة إلى رئيس الوزراء البلجيكي ورئيسة الوزراء الإيطالية ورئيس الوزراء اليوناني ورئيس قبرص في زيارة الصحف الأوروبية وصفتها وقتها بالتاريخية  لتعزيز الشراكة بين مصر والاتحاد الأوروبي، وترفيع العلاقات بين الطرفين إلى مستوى العلاقات الاستراتيجية وتم فعلا توقيع اتفاقيات بكده لزيادة الاستثمارات الأوربية المختلفة في مصر كشريك استراتيجي وفي اوربا المفوضية الأوروبية مش بتتحرك بالشكل ده غير عشان تحمي مصالحها في الأول من خلال توطيد علاقاتها مع الدول المهمة والقريبة منها ومصر من أهم الدول لاوروبا في جنوب المتوسط وهي مفتاح استقرار القارة الأوروبية كلها وبتحمي مصالحها واستقرار وازدهار مصر بينعكس على استقرار أوروبا بشكل مباشر لأسباب كتير أن مصر بوابة لمنع تدفق اللاجئين من كل دول افريقيا اللي عندها صراعات لدول أوروبا ودي مسألة مهمة جدا بالنسبة لدول الاتحاد الأوروبي وده غير إن مصر بتلعب دور أساسي في حفظ الأمن في المنطقة وهي منطقة ملاصقة وقريبة من القارة العجوز واتحملت فاتورة اقتصادية كبيرة جدا عشان تلعب الدور ده وكان لازم اووربا تتحرك لدعمها اقتصاديا.
طيب ايه اللي حصل في الساعات الأخيرة وإزاي أوروبا هتدعم مصر؟
لو متابع الاخبار النهاردة هتلاقي إن عدد كبير من المسؤولين الأوروبيين في مقدمة رئيس المفوضية الأوروبية وعشرات الشركات والمستثمرين ورجال الصناعة والاستثمار في القارة الأوروبية في مصر لحضور مؤتمر الاستثمار الأوروبي في مصر واللي ليه اهداف كتير جدا منها توطين الصناعة الأوروبية المتقدمة في مصر وتحويلها لمركز صناعي إقليمي وقاعدة للانطلاق الي الأسواق القريبة في افريقيا وآسيا واستغلال موقع مصر الجغرافي ومن بين الصناعات اللي هتوطنها اوربا في مصر هي صناعة السيارات ودي صناعة مهمة جدا وسبب ثراء الاقتصاديات الأوربية والمتقدمة وكمان توطين صناعة الأدوية والطاقة النظيفة والهيدروجين الاخضر  والالكترونيات بأنواعها وغيرها من الصناعات.
لو بصينا في أشكال الصناعة الأوربية اللي هيتم توطينها في مصر هنلاقيها صناعات استراتيجية وبتحتاج لاستثمارات ضخمة بالمليارات والشركات الأوربية هتدخل مفاوضات بشكل مباشر مع الحكومة المصرية ومع القطاع الخاص لنقل الصناعات دي في السوق المصري  والاستفادة من البنية الأساسية اللي عملتها مصر خاصة في مجال المواني واللوجستيات واللي هتفرق كتير في تعزيز التجارة وانتعاش مصر اقتصاديا في الفترة الجاية وهتكون القاهرة رقم مهم في التجارة العالمية وتوطين البراندات العالمية في الصناعة والخدمات واللي عليها منافسة شرسة دلوقتي بين دول المنطقة.