الثلاثاء 23 يوليو 2024
رئيس التحرير
عمرو عامر
المشرف العام
عبدالعظيم حشيش
تحليل

من غير ما تفكر حضر فلوسك دلوقتي واجري اشتري دهب.. تسونامي هيضرب الصاغة

الإثنين 24/يونيو/2024 - 04:01 ص
الذهب
الذهب

 

 
ايه اللي هيحصل في الصاغة المصرية وايه حكاية تسونامي الأسعار اللي هيضرب سوق الدهب وليه لازم تلحق وتشتري دلوقتي دهب وتشيله.. من غير مقدمات شوف التقرير ده للآخر وهتعرف التفاصيل كلها 
 
كل العالم وخاصة سوق الدهب عايش حالة رعب وقلق بسبب التسونامي اللي جاي جاي في الأسعار لأن كل المؤشرات بتقول إن فيه صراع شرس جاي على الدهب ولأسباب كتير كلها قربت تحصل وآخرها اللي أعلنته  شركة جيفريز إن البنك الاحتياطي الفيدرالي الأمريكي قرب جدا من خفض أسعار الفايدة  على الدولار.. طيب ده معناه ايه.. ببساطة حضرتك تقدر تقول إن البنوك المركزية والدول وكبار المستثمرين في سوق الدهب هيجروا يشتروا المعدن الأصفر اليومين دول وقبل قرار الفدرالي بخفض الفايدة واللي معناها إن سعر الدهب هيرفع بشكل تلقائي ومع كمية الطلب المتوقعة على المعدن النفيس أسعاره هتضرب في العالي.
طيب ليه خفض الفايدة الأمريكية بيرفع اسعار الدهب ؟
عشان زي ما قلنا عملية توازن في الأسواق وعرض وطلب لأن انخفاض سعر الدولار معناه زيادة مباشرة بشكل كبيرة في سعر الدهب لأن هنا المعدن بيكون العوض عن نقص قيمة العملة الأمريكية في الاحتياطيات النقدية للبنوك المركزية العالمية واللي بتلجأ لشراء الدهب لتعويض خسايرها في الدولار وبالتالي الطلب عالميا على الدهب بيزيد بشكل كبير وبكده سعره هيضرب في العالي .. وخلي بالك دي معادلة اقتصادية ومالية في الأوضاع العادية لكن الأسعار بتولع اكتر في سوق الدهب العالمي لو فيه ظروف تانية جمب خفض سعر الفايدة زي مثلاً التوترات والصراعات التجارية والسياسية والعسكرية بين الدول لأن ده بيخلي البنوك المركزية تشتري اكبر قدر من الدهب زي ما حصل في سنة 2023 واللي سجل مشتريات قياسية من المعدن النفيس لانه عادة الدول بتلجأ لتأمين نفسها ضد أي أزمات في التجارة الدولية نتيجة الصراع وزي ما احنا شايفين الأزمات مولعة العالم زي اللي بيحصل في روسيا وأوكرانيا والمنطقة عندنا وفي الخليج وغيرها.
كمان استخدام الدولار كوسيلة للعقوبات الاقتصادية والمالية على الدول خلي حكومات كتير تحاول تقلل الاعتماد عليه بأكبر قدر ممكن مقابل تكنيز الدهب عشان تأمن نفسها وضيف على ده كله أن كتر الطلب على الدهب في وقت واحد هيأثر بشكل كبير جدا على المعروض منه لأنه في النهاية هو معدن نادر ودي سر قيمته العالية ومع طلب كبير ومعروض محدود تخيل أسعار الدهب هتوصل لكام.
طيب خلينا في مصر.. الدهب هيروح على فين ؟
مصر زيها زي اي دولة في العالم اللي بيحصل بره هيحصل عندنا ولو سيناريو الدهب العالمي حصل واتحقق الأسعار هتصرب بشكل كبير جدا وفيه توقعات بتقول إن الدهب عيار 21 هيتراوح سعره بين 5 و6 آلاف جنيه كمان وإن عيار 24 هيوصل ل7 آلاف جنيه يعني بنتكلم في زيادة النص تقريبا ودلوقتي هو افضل وقت لشراء الدهب وتخزينه وفرصة مش هتتكرر تاني لو عاوز تكسب وتحفظ فلوسك.