السبت 20 يوليو 2024
رئيس التحرير
عمرو عامر
المشرف العام
عبدالعظيم حشيش
منتجات وخدمات

لو بتدور على شقة.. قرض التمويل العقاري من البنك التجاري الدولي هيحل لك كل المشاكل

الثلاثاء 18/يونيو/2024 - 03:01 ص
البنك التجاري الدولي
البنك التجاري الدولي

 


قروض التمويل العقاري واحدة من اهم وافضل الخدمات اللي طرحتها البنوك في السنين الاخيرة واللي عليها اقبال كبير جدا من العملاء خصوصا ان اغلبنا مش عنده شقة ولا امكانياته تسمح بكده.. لو عايز تشتري شقة بتمويل عقاري من البنك التجاري الدولي اقرا التقرير  ده للأخر..


حلم انك تشتتري شقة في الوقت الحالي بقي صعب جدا ده أن كان مش مستحيل خصوصا بعد الارقام الكبيرة جدا واللي بيطلبها اصحاب الملك من الناس اللي عايزة تشتري، وفي الوقت الحالي اقل سعر شقة بقي محتاج ملايين، ولو حبيت تشتري في منطثقة نظيفة شوية يبقي انت عايز بنك يمولك والبنك ده هو البنك التجاري الدولي واللي اعلن عن تقديم قروض للعملاء ضمن مبادرة التمويل العقاري.
طيب اية هيا شروط البنك التجاري الدولي لتقديم قروض للعملاء ضمن مبادرة التمويل العقاري؟.
البنك التجاري الدولي  أعلن عن تقديم قروض التمويل العقاري، بقيمة بتوصل لـ 1.1 مليون جنيه ضمن مبادرة البنك المركزي لمتوسطي الدخل بفائدة 3% وتقسيط على 30 سنة.

البنك التجاري الدولي أعلن عن تقديم قرض التمويل العقاري 1.1 مليون جنيه بفايدة تناقصية بتبدأ من 3% ولحد 8%، ومقدم بيبدأ من 15% فقط من قيمة الوحدة، وكل ده بدون اي مصاريف أو رسوم لطلبات العملاء أو رسوم التقييم العقاري، وكمان بيدي تأمين على العقار مجانًا طوال عمر القرض ده غير تأمين على الحياة.
أما عن اجراءات الحصول علي قرض التمويل العقاري من البنك التجاري الدولي، فالبنك اشترط ان يكون الحد الأقصى لصافي الدخل الشهري من 10 الاف جنيه لعميل الاعزب و 14 الف جنيه للأسر، وكمان حدد مصاريف إدارية خارج صندوق الإسكان الاجتماعي ودعم التمويل العقاري بتوصل لـ 1% من قيمة التمويل اللي العميل هيحصل عليه، وبتوصل نسبة إجمالي الأقساط لصافي الدخل الشهري مش هتتعدي 40% من صافي الدخل الشهري للعميل، واشترط أن يكون مواصفات الوحدة اللي العميل مقدم الطلب عليها كاملة التشطيب 
البنك التجاري الدولي  اشترط علي العملاء الراغبين في الاستفادة من المبادرة أن يكون له راتب شهري ثابت من جهة العمل، أما بالنسبة للعميل الاعزب الغير متزوج فالبنك اشترط تقديم صورة بطاقة الرقم القومي وإيصال مرافق حديث لمحل السكن الحالي شهادة بإثبات صافي الدخل الشهري أو السنوي من جهة العمل كشف حساب بنكي لآخر 6 شهور 
أما بالنسبة للاسر اللي عايزة تقدم علي القرض فالبنك اشترط عليهم تقديم صورة بطاقة الرقم القومي للزوج أو الزوجة وفي في حالة لو الزوج أو الزوجة عندهم عمل ثابت لازم يقدموا  إثبات دخل طبقًا لطبيعة العمل، وفي حالة لو حد فيهم مش شغال لازم يقدم برنت تأمينات ده غير تقديم مستندات اثبات الدخل الإضافي لو موجود زي لو في حد منهم عنده عمل إضافي أو شهادات ادخار أو ودائع بنكية