الثلاثاء 25 يونيو 2024
رئيس التحرير
عمرو عامر
المشرف العام
عبدالعظيم حشيش
شمول مالي

زيادة جديدة في الأجور وطريقة جديدة لربط المرتبات بالأسعار.. أعرف التفاصيل

الإثنين 10/يونيو/2024 - 04:40 ص
صورة ارشيفية
صورة ارشيفية

 

رغم إن الزيادات في المرتبات والحد الأدني للأجور زادت بشكل واضح في الشهور الأخيرة لكن وتيرة ارتفاع الاسعار أكلت كل الزيادات وعشان كده بقي مطلوب آلية جديدة لزيادة المرتبات والأجور وربطها بمعدلات التصخم والاسعار.. إيه حكاية الزيادة الجديدة ف المرتبات وامتي هيتم.. التفاصيل في التقرير.


حسن شحاتة وزير العمل ، قال كلام مهم في تصريحات على هامش فعاليات الدورة 112 لمؤتمر العمل الدولي واللي قال فيها إن من بين أبرز الأعمال والتطورات اللي بيشهدها ملف العمل في مصر كانت قرارات رفع الحد الأدنى للأجور، للقطاعين العام والخاص والمُساواة بينهم في الأجر، وبخلاف مناقشة مشروع قانون العمل، للخروج بتشريع مُتوازن يُحقق المزيد من الأمان الوظيفي للعامل، والتشجيع على الاستثمارات المحلية والأجنبية وهنا المقصود بتعزيز الأمان الوظيفي إن الموظف يقبض مرتب يكفيه ويكفي مصاريفه ويكون بيتناسب مع معدلات التضخم والأسعار اللي في السوق.
الوزير قال كمان إن المجلس الأعلى للحوار الاجتماعي في مجال العمل، هنياقش مقترحات المرتبات والأجور عشان تكون مناسبة وتردم الفجوة بين الدخل والمصروف وطبعا عرض المقترحات الخاصة بتحسين حال الموظفين على لجنة الحوار الوطني هتكون نقطة فاصلة للوصول لحلول جوهرية لمسألة تدني المرتبات مقارنة بالمصروفات وحالة الغلاء وإنه هيكون فيه آليات جديدة لحساب المرتبات في المرحلة الجاية.
وأكيد لجان الحوار الوطني واللي هترفع تقاريرها بعد كده مباشرة لرئيس الجمهورية هتنظر في المرتب العادل اللي المفروض الموظف يقبضه وده معناه أرقام اكبر من الموجودة حاليا رغم قرار رفع الحد الأدني للأجور الي 6 الاف جنيه لكن غول الاسعار مش بيخلي حاجة للموظف.
موضوع تحسين أجور الموظفين مش جديد على لجنة الحوار الوطني لانها سبق وأكد عبدالهادى القصبي، مقرر لجنة العدالة الاجتماعية بالحوار الوطنى،إن جلسة العدالة الاجتماعية تناولت محور سياسة الأجور والمعاشات خاصة بعد ارتفاع الأسعار وزيادة التضخم، وإن القيادة السياسة تدخلت لتحسين الأجور ورفعت الحد الأدنى من 1200 جنيه إلى 2000، وأيضا رفعت المعاشات 15%.
وإن لسه المناقشات مستمرة للوصول لأرقام عادلة للأجور والمعاشات بالتنسي مع كل اجهزة الدولة.
طيب الحد الأدني ممكن يوصل 10 الاف جنيه؟
كل شيء ممكن لكن يفضل الرقم مرهون بمخصصات وموارد موازنة الدولة ولو فيه فلوس ومخصصات مش مستبعد نوصل للرقم دا خاصة إن موصوع زيادة الاجور بوتيرة أكبر من كده مطلب ملح مع حالة الغلاء في كل السلع والخدمات وبعد قرارات زيادة اسعار الخبز والكهرباء والمواد البترولية زي ماهو متوقع وده هيضيف مزيد من الأعباء على الناس وزيادة جديدة متوقعة في الأسعار.