الثلاثاء 25 يونيو 2024
رئيس التحرير
عمرو عامر
المشرف العام
عبدالعظيم حشيش
منتجات وخدمات

قروض بالملايين بضمان الشقق السكنية.. افتح مشروعك وغير حياتك

السبت 08/يونيو/2024 - 02:44 ص
صورة ارشيفية
صورة ارشيفية

 


لو انت مش موظف أو مش عندك دخل ثابت، ومش عندك اي ضامن ومش حيلتك غير شقتك وعايز تجيب بضمانها قرض تفتح بيه المشروع اللي بتحلم بيه يبقي الفيديو ده ليك.. لو عايز تعرف كل التفاصيل بتاع القروض اللي بتقدمها البنوك بضمان الشقق السكنية والقروض بتوصل لكام اقرأ هذا التقرير.

طبعا كلنا عارفين ان الغالبية العظمي من طوائف الشعب المصري من موظفين في الحكومة ولا في الجهاز الأداري في الدولة، والغالبية العظمي من الشباب اما شغالين في القطاع الخاص او المهن الحرفية او اي مهنة يسد منها حاجته للعمل .
في طائفه كبيرة كمان من الشباب عندها افكار لمشاريع كبيرة بس محتاجة راس مال كبير علشان يحقق الأحلام دي لمكان ملموس ومصدر دخل له ولاسرته وللناس اللي هتشتغل معاه، لكن للاسف اغلب البنوك بتبقي عايزة ضامن علشان تدي العملاء القروض اللي مجتاجينها.
بس أنا دلوقتي هقولك علي البنوك اللي هتيدك قرض وبارقام كبيرة بضمان الشقق السكنية والبداية هتكون معانا من البنك الأهلي واللي اعلن عن تقديم قرض لأصحاب المهن الحرة والأطباء بقيمة تمويل بتوصل لمليون جنيه كحد أقصى ومدة تمويل بتوصل لـ 7 سنين بضمان الشقق السكنية والعقارات.
البنك الاهلي اعلن عن مميزات الحصول على قرض بضمان العقارات واللي بتيح للعملاء ميزة التأمين على الحياة خلال فترة الاقتراض، وسرعة الحصول علي القرض بعد أيام من التقديم للحصول عليه.
البنك الأهلي اشترط كمان للعملاء اللي عايزين يحصلوا علي قرض بضمان العقارات والشقق السكنية أن يكون سنهم ميقلش عن 21 سنة وميتجاوش 65 سنة بنهاية التمويل، وتقديم صورة من بطاقة رقم قومي بشرط أنها تكون سارية، وتقديم إيصال مرافق حديث وتقديم مستندات ملكية العقار أو عقد الإيجار أو صورة البطاقة الضريبية وتكون سارية ومستخرج رسمي من السجل التجاري وعقد تأسيس الشركة وكشف حساب بنكي شخصي أو للنشاط عن آخر عام.
ومن البنك الاهلي بنروح لبنك قناة السويس واللي اعلن عن تقديم قروض بضمان العقار وكمان بيدي تأمين على الحياة طوال فترة التمويل، وسهولة سداد الأقساط عن طريق فروع البنك أو الخدمات المصرفية عبر الإنترنت أو تحويل الراتب.
اما عن الشروط اللي حددها البنك لتقديم قروض العملاء بضمان الشقق السكنية والعقارات فيها أن يكون الحد الأدنى للسن من 30 سنة والحد الأقصى للسن 60 سنة وقت انتهاء التمويل للموظفين و65 سنة لأصحاب الأعمال والمهن الحرة.
البنك كمان حدد الأوراق والمستندات المطلوبة من العملاء لتقديم القرض وهيا بطاقة الرقم القومي وتكون سارية وفاتورة مرافق حديثة لآخر 3 شهور وعقد تمليك العقار.