السبت 22 يونيو 2024
رئيس التحرير
عمرو عامر
المشرف العام
عبدالعظيم حشيش
شمول مالي

صدمة لأصحاب الأمراض المزمنة.. زيادات جديدة في أسعار الأدوية

الخميس 30/مايو/2024 - 07:02 ص
الادويه
الادويه

الكلام في الأيام اللي فاتت كتر قوي علي زيادة أسعار الأدوية في الأسواق خصوصا بعد التقرير اللي اتقدمت بيه شركات الدواؤ لزيارة الاسعار بعد تحرير سعر الصرف... يا تيري أية حقيقة الكلام ده وهل فعلا أسعار الأدوية هتزيد في الأسواق ومعدل الزيادة هبوصل لكام 
 
من حوالي 5 شهور وفي كلام كتير منتشر عن وسائل التواصل الاجتماعي وفي المواقع الإخبارية عن وجود قرارا ومخطبات لشركات الأدوية لرفع اسعار بعض الأصناف في الأسواق بسبب التعديلات الأخيرة في أسعار صرف العملات الأجنبية مقابل الجنيه المصري.

الكلام المنتشر ده شركات الأدوية أكده وقالت إنها فعلا تقدمت بطلب لتعديل تسعير اسعار الأدوية بسبب  زيادة أسعار الإنتاج وأسعار المادة الخام وكل مشتملات الصناعة بعد تحرير أسعار الصرف، وفعلاً هيئة الدواء وعدت بدراسة علمية لطلبات شركات الأدوية وإمكانية تنفيذ وفقا للآليات المتعارف عليها وبما يضمن استمرارية تواجد الأدوية في السوق .

 

وعلي طول هيئة الدواء عملت اجتماعات مع المتخصصين، ووتفقوا علي مقترح زيادة أسعار الأدوية في السوق المصري، ولكن مع مراعاه البعد الاجتماعي وأهمية الدواء اللي هيتم تحريكه بحيث تكون النسبة الاقل في الزيادة للأدوية الحيوية والهامة بالإضافة لتوافر الأصناف اللي اختفت نتيجة لزيادة أسعار الإنتاج وقلة أسعار البيع علشان يكون فيه حالة من التوازن مابين توافر المنتج وقدرة المواطن علي الشراء بسعر مناسب .

طيب الزيادة في أسعار الأدوية هتوصل لكام؟.
مصادر مسئولة في هيئة الدواء المصرية قالت انه مفيش نسبة موحدة للزيادة علي كافة الأصناف ومفيش اي قوائم صدرت من الهيئة بالاسعار الجديدة للأدوية حتى الآن، وأن نسب الزياده في أسعار الأدوية هام علي 3 مراحل لحد شهر ديسمبر من العام الحالي، وان الهيئة هتجهز قوائم بالاعداد والأصناف والاسعار، وهتخطر بيها شركات الأدوية بعدد الأصناف اللي تم زيادة أسعارها، وهيكون فيه إخطار رسمي لكل صنف بالسعر للصيدلي والجمهور .

المصادر كملت كلامها وقالت إن الزيادات هتختلف  بناء علي أهمية الدواء، وأدوية الامراض المزمنة والأورام هتكون النسبة الأقل من الزيادة، وبعدها هتكون الأدوية المحلية والمصرية في المرتبة الثانية في الأقل زيادة وهتكون الأدوية الوصفية الاعلي في نسبة الزيادة.
المصادر قالت كمان أن قرارات زيادة أسعار الأدوية هيتن إرسالها لكل شركة بواقع 3 أصناف كل أسبوع، ومفيش اي زيادة هتحصل علي المستحضرات الدوائية خصوصاً إن كل مستحضر دوائي بيدخل لجان خاصة لاحتساب تسعيرته علي حسب عوامل كتيرة اهمها الماده الخام ومدى تأثيره على المواطن، وأن الزيادة في أسعار الأدوية مش هتكون بنسب متساوية بسبب اختلاف  طريقة تصنيع كل دواء عن الثاني  ومكوناته من مواد خام وخلافه.