بنص مليار دولار.. شركة عالمية تتحول لمصر شوف إيه الحكاية

 
ليه الاستثمارات الأجنبية والعالمية عالمية تتحول لمصر شوف إيه الحكاية 
 المتوطنة يعني اللي بتصنع وتنتج وتصدر  بتزيد في مصر الفترة الأخيرة وايه قصة الشركة الأمريكية اللي قررت تضخ ملايين الدولارات في السوق المصري خلال شهور قليلة وليه استثمارات الشركة دي تحديدا مهم جدا دلوقتي... تعالوا نشوف التفاصيل في الفيديو ده .

 
طبعا مكنش ينفع اي شركة عالمية ليها اسمها وبتبيع بالمليارات الدولارات كل سنة تيجي السوق المصري وتضخ ملايين الملايين من الدولارات في فترة قصيرة لو مكانش السوق المصري استرد عافيته بعد قرارات تحرير سعر الصرف ولولا حالة الاستقرار الكبيرة في القطاعات الاقتصادية اللي عدت وتخطت مرحلة الاضطراب خلاص وبقت سوق واعدة وجاذبة للاستثمارات العالمية واللي بدأت بصفقة رأس الحكمة وبعدها المناطق الصناعية الصينية والتركية والروسية والهندية وتوطين شركات عالمية لصناعات مهمة في السوق المصري .
طيب أيه الحكاية.. شوف حضرتك فيه شركة عالمية أمريكية مشهورة جدا وهي شركة مارس للشوكولاته وعشان تعرف قد ايه هي شركة ضخمة  كفاية تعرف انها بتحقق مبيعات سنوية باكتر من  30 مليار دولار ، وبتحتل المرتبة الخامسة كأكبر شركة قطاع خاص في الولايات المتحدة من قبل مجلة فوربس. ويقع مقرها الرئيس في ولاية فرجينيا، الولايات المتحدة الأمريكية .

ولو متعرفش  الشركة الأمريكية دي ليها مصنع ضخم في مصر باستثمارات حوالي 250 مليون دولار وبيصنع ويصدر افخر انواع الحلويات والشوكولاته والجديد بقي أن مارس الأمريكية لمنتجات الشيكولاتة قررت توسع  استثماراتها وتضخ   250 مليون دولار يعني ربع مليار دولار خلال الفترة الجاية لزيادة الطاقة الانتاجية للمصنع وبكده يبقي مجموع استثمارها في مصر حوالي نص مليار دولار زي ماقلنا وحاليا لتبلغ الطاقة الانتاجية  للمصنع في مصر حوالي  25 ألف طن سنويا وهيتم رفعها إلى  65 الف طن بعد ضخ الاستثمارات الجديدة.
مصنع مارس لإنتاج الشيكولاتة موجود بالمنطقة الصناعية بمدينة السادس من اكتوبر على مساحة 82 ألف متر مربع وبعد ضخ  الاستثمارات الجديدة هيتم الانتهاء  من بناء 90% من مساحة الأرض.
مسؤل الشركة في مصر طلع وقال إن الاستثمارات الجديدة هيتم الانتهاء منها خلال 18 شهر فقط  وان الاستثمارات الجديدة هتكون مباشره وبتمويل ذاتي من الشركة الأم في امريكا يعني مش هتسحب بيهم قروض من البنوك في مصر بالعكس دي هتضخ المبلغ الضخم ده في السوق المصري  وكمان الاستثمارات الجديدة هدفها زيادة نسبة التصدير يعني الشركة هتدخل دولارات اكتر ودلوقتي المصنع بيصدر من 60-70% من الطاقة الانتاجية  إلى 44دولة وخلال فترة وجيزة هيتم رفع عدد الأسواق إلى 50دولة بمعدل نمو سنوي  5% سنويا وبتنتج الشركة 150منتج من سلع الشيكولاتة المختلفة منها 15 ألف طن يذهب لأسواق دول العالم

طيب السوق المصري هيستفاد ايه من الشركة الأمريكية في السوق المصري.. اكيد طبعا فيه استفادة لأن الاستثمارات الأجنبية معناها زيادة تدفق الدولار لمصر. معناها زيادة النشاط وكمان فرص عمل جديدة وغير ده كله الاستثمارات الضخمة دي بتسمع في الأسواق العالمية وبين الشركات الدولية المنافسة واللي بينها صراع دائم على الأسواق الإقليمية وبالتالي استثمارات مارس الأمريكية هيجذب شركات تانية في نفس المجال عشان تشتغل في السوق المصري واللي اكيد افضل من غيره بالمنطقة بسبب عدد السكان وحجم واتساع السوق المحلية بجانب أن مصر وموقعها الفريد بمثابة بوابة لكل افريقيا بجانب الإمكانيات اللوجستية والموانئ والبنية الأساسية القوية والحديثة اللي تغري اي شركة عالمية للاستثمار في مصر.