السبت 22 يونيو 2024
رئيس التحرير
عمرو عامر
المشرف العام
عبدالعظيم حشيش
اقتصاد مصر

هواوي العالمية تقلب سوق الاتصالات في مصر بقرار مفاجئ

الأربعاء 22/مايو/2024 - 08:30 ص
هواوي
هواوي

 

هو ايه اللي المفاجأة اللي أعلنتها  شركو هوواوي العالمية لمصر وهتقلب سوق الاتصالات في المنطقة كلها وإيه هي الفايدة اللي هتعود على مصر من قرار الشركة الدولية.. تعالو نشوف ايه الحكاية من أولها في الفيديو ده.



زي ما احنا عارفين إن شركة هواوي  الصينية العالمية دي شركة ضخمة جدا في مجال صناعة الهواتف الذكية وشبكات ومنظومات الاتصالات المتطورة وعشان نعرف قد ايه الشركة دي ضخمة فنحب نقولك إن هواوي هي ضمن أفضل 10 علامات تجارية حول العالم من حيث القيمة لأول مرة بـ 65.1 مليار دولار أمريكي لقيمة علامتها التجارية.
وارتفعت إيراداتها السنة اللي فاتت 2023 بحوالي 98 مليار دولار وكل يوم العملاق الصيني بيتوزع ولولا العقوبات الأميركية على الشركة كان زمانها في حتة تانية وبتنافس ابل الأمركية..

طيب نرجع لمووضوعنا هو العملاق الصيني عمل ايه النهاردة .. شوف ياسيدي  شركة هواوي أعلنت إطلاق أول سحابة ليها في مصر وهي الأولى من نوعها في المنطقة لتعزيز نمو قطاع الاتصالات وقال ما بن، رئيس العلاقات الحكومية والاتصال الاستراتيجي بشركة هواوي مصر، في مؤتمر صحفى اليوم إأن السحابة هتضم جميع البيانات والخوادم., يعني ايه الكلام ده..

شوف حضرتك ببساطة كده  الشركة الصينية اختارت مصر عشان تكون المركز الإقليمي أو مركز البيانات السحابي على مستوى شمال إفريقيا واللي بيعتبر واحد من ضمن 30 مركز عالمي لدعم الجهود الحكومية في تعزيز ثقافة الابتكار التقني ودفع عجلة التحول الرقمي تحقيقا لرؤية مصر 2030...
لو عاوز تفهم أكتر شركة هواوي عملت مركز إقليمي لشركتها عندك هيخدم مصر والبلاد اللي حوليها في أي حاجة خاصة بنظم الاتصالات والهواتف والمعلومات والتكنولوجيا يعني هواوي كلها بقت عندك والمركز ده بيضم بيانات وخوادم الاتصالات والأكواد يعني تقدر تقول كده إن بقي عندك كنز في قطاع تكنولوجيا المعلومات في مصر وهتساعد في تطوير القطاع في مصر في أي صناعة بتعتمد على التطبيقات الالكترونية والذكاء الصناعي.

ومصر على فكرة حققت إنجازات هايلة في قطاع التكنولوجيا والاتصالات والتحول الرقمي والذكاء الاصطناعي  خلال السنين القليلة اللي فاتت وقدرت تجذب استثمارات عالمية كبيرة.. وحقق قطاع الاتصالات وتكنولوجيا المعلومات المصري ،في الخمس سنين اللي فاتت  نسب نمو تجاوزت 16%، كأعلى قطاعات الدولة نموا، ومركز هواوي السحابي الجديد هيساعد مصر في توطين تكنولوجيا الرقمنة والذكاء الاصطناعي واللي متوقع يحقق انطلاقة كبيرة جدا في مصر على مستوى المنطقة ومصر ولو متابعين هنلاقي إن الدكتور عمرو طلعت، وزير الاتصالات وتكنولوجيا المعلومات كشف نجاح 40 شركة ناشئة فى مركزى إبداع مصر الرقمية فى القاهرة والجيزة فى جذب استثمارات بقيمة 40 مليون دولار؛ كمان احتضان أكتر من 55 شركة ناشئة فى مراكز إبداع مصر الرقمية بالمحافظات.